बीड : बीड एक धक्कादायक बातमी समोर आली आहे. चॉकलेट चोरल्याच्या संशयावरून एका लहान मुलास कपड्याने झाडाला बांधण्यात आल्याची घटना समोर आली आहे. हा धक्कादायक प्रकार बीडच्या केज तालुक्यातील येवता या गावात घडला आहे. या प्रकरणी तीन जणांविरुद्ध पोलिसात गुन्हा दाखल करण्यात आला आहे.
मिळालेल्या माहितीनुसार, बाळू गायकवाड असं पिडीत मुलाचे नाव आहे. बाळू हा इयत्ता तिसरीच्या वर्गात शिक्षण घेत असून शाळेत गेल्यानंतर दुपारच्या सुट्टीत गावातील एका दुकानात तो गेला होता. त्या ठिकाणी त्याने चॉकलेट चोरल्याच्या संशयावरून सदरील दुकानदार महिलेने त्याला कपड्याच्या सहाय्याने झाडाला बांधून ठेवले होते. दुपारच्या सुट्टीत मुलगा घरी न आल्याने त्याच्या आईने त्याची शोधाशोध केली असता परंतु, तो मिळून आला नाही.
दरम्यान, याबाबतची माहिती घरच्याना मिळाल्यानंतर बाळूची सुटका करण्यात आली आहे. घडल्या प्रकाराबाबत बाळूने सर्व हकीकत सांगितल्यानंतर या प्रकरणात तिन जणाविरुद्ध केज पोलीस ठाण्यात गुन्हा दाखल करण्यात आला असून याबाबत पोलिसांकडून तपास सुरु आहे.
