-अक्षय टेमगिरे
रांजणगाव गणपती : तळेगाव न्हावरा रोड वरील कोळपे वस्ती जवळ टेम्पोचा टायर फुटून अपघात झाल्याची माहिती समोर येत आहे. या अपघातात एकाचा मृत्यू झाला आहे तर दोनजण जखमी झाले आहेत
परशुराम मारुती चव्हाण (वय – 66 रा. उरळगाव, ता. शिरुर जि. पुणे) असे मृत व्यक्तीचे नाव आहे.
याबाबत पोलीसांनी दिलेल्या माहितीनुसार, अनिता प्रविण चव्हाण (वय 33 वर्ष रा. उरळगाव ता. शिरुर जि. पुणे) यांनी अशोक लेलंड टेम्पो क्रमांक एम. एच 12 व्ही. टी 8895 वरील अनोळखी चालका विरोधात फिर्याद दिली.
गुरुवार (दि. 29 ऑगस्ट 2024) रोजी दुपारी साडेतीनच्या सुमारास उरळगाव ता. शिरुर जि. पुणे गावच्या हद्दीत अनिता चव्हाण व त्यांची सासु मनोरमा चव्हाण उरळगाव फाटा येथे अशोक लेलंड टेम्पो क्रमांक एम. एच. 12 – व्ही.टी 8895 या टेम्पोच्या केबीनमध्ये व टेम्पोचे पाठीमागील हौदात भरलेल्या खडीच्या कचवर बसले होते. यावेळी त्यांचे सासरे परशुराम चव्हाण असे तीन जण न्हावरेला बँकेच्या कामासाठी जात असताना अनोळखी टेम्पो चालकाने टेम्पो हा हयगयीने व निष्काळजी पणे भरधाव वेगात चालवल्याने टेम्पोचे टायर फुटून टेम्पो तीन वेळा पलटी झाला. यात टेम्पोत पाठीमागे बसलेले परशुराम मारुती चव्हाण याच्या डोक्यास गंभीर दुखापात होवून त्यांचा मृत्यू झाला.
मनोरमा परशुराम चव्हाण (वय 65 वर्ष) व अनिता चव्हाण जखमी झाल्या आहेत. अशोक लेलंड टेम्पो क्रमांक एम. एच 12 व्ही. टी 8895 वरील अनोळखी चालकाविरुद्ध अनिता चव्हण यांनी फिर्याद दिली आहे.
याप्रकरणी आधिक तपास पोलीस निरीक्षक जोतीराम गुंजवटे यांच्या मार्गदर्शनाखाली पीएसआय शेळके करीत आहे.
