पुणे: महाराष्ट्रात अवकाळी पावसाचा प्रभाव ओसरत (Pune Weather Report) असताना आता मुंबई आणि पुण्यात हवामानाचा नवा ट्रेंड दिसू लागला आहे. पावसाची अनिश्चितता कमी होत असली तरी उष्णता आणि दमटपणाचा ताण वाढण्याची चिन्हे स्पष्ट दिसत आहेत. त्यामुळे येत्या काही दिवसांत या दोन्ही शहरांतील हवामान (Pune Weather) नागरिकांसाठी त्रासदायक ठरू शकते. (Weather Forecast)
मुंबईत अवकाळी पावसाची परिस्थिती जवळपास संपुष्टात आली असून आता वातावरण कोरडे आणि उष्ण होत चालले आहे. शनिवारी तापमान 28 ते 34 अंशांच्या दरम्यान राहण्याचा अंदाज असला तरी खरी चिंता दमटपणाची आहे. समुद्रकिनारी शहर असल्याने आर्द्रतेमुळे उकाडा अधिक जाणवणार आहे. विशेषतः दुपारच्या वेळेत उन्हाचा तडाखा आणि घामामुळे अस्वस्थता वाढू शकते. 22 मार्चपासून उष्णतेची तीव्रता आणखी वाढण्याची शक्यता असून ‘यलो अलर्ट’ जारी करण्यात आला आहे. त्यामुळे सकाळी आणि संध्याकाळी थोडी दिलासा देणारी हवा असली तरी दिवसभर चिकट आणि दमट वातावरण राहण्याची शक्यता आहे.
पुण्यातही हवामानाचा कल बदलत असून अवकाळी पावसाची शक्यता पूर्णपणे कमी झाली आहे. शहरात कोरडे हवामान राहणार असले तरी तापमानात हळूहळू वाढ होत आहे. दुपारच्या वेळेत उन्हाची तीव्रता जाणवू लागली आहे आणि पुढील काही दिवसांत ती आणखी वाढू शकते. सध्या सकाळी आणि रात्री थोडी थंडावा जाणवत असला तरी दिवस चढत जाईल तसतसा उकाडा जाणवणार आहे. हवेत कोरडेपणा असल्याने त्वचा आणि आरोग्यावरही परिणाम होण्याची शक्यता आहे.
एकूणच, मुंबईत दमट उष्णता आणि पुण्यात कोरडी उष्णता अशी वेगवेगळी पण त्रासदायक परिस्थिती तयार होत आहे. त्यामुळे नागरिकांनी पुरेसे पाणी पिणे, थेट उन्हात जाणे टाळणे आणि आरोग्याची काळजी घेणे अत्यंत गरजेचे ठरणार आहे. येणारे काही दिवस पावसापेक्षा उष्णतेचे असणार असल्याचे चित्र स्पष्ट दिसत आहे.
