Yavat Police News यवत, ता. १३ : पुणे ग्रामीणमधील यवत पोलीस ठाण्यातच पोलिसांवर हल्ला झाल्याची धक्कादायक घटना उघडकीस आली आहे. दारूच्या नशेत दुचाकी चालवणाऱ्या व्यक्तीवर कारवाई केल्यानंतर त्याने थेट पोलीस ठाण्यात धिंगाणा घालत पोलीस कर्मचाऱ्याला मारहाण केली. “तुला बघून घेतो”, “तुझी वर्दी उतरवतो”, “तू यवत पोलीस ठाण्यात कशी नोकरी करतो ते पाहतो,” अशा शब्दांत आरोपीने पोलिसांना उघड धमक्या दिल्याने एकच खळबळ उडाली आहे. Yavat Police News
या प्रकरणी विशाल संजय गायकवाड (वय ३८, रा. मानकोबावाडा, यवत, ता. दौंड) याच्याविरोधात सरकारी कामात अडथळा निर्माण करणे, मारहाण, दमदाटी आणि शिवीगाळ केल्याप्रकरणी गुन्हा दाखल करण्यात आला आहे. यवत पोलीस ठाण्यात कार्यरत असलेले पोलीस शिपाई भुलेश्वर जनार्दन मरळे यांनी याबाबत फिर्याद दिली आहे. फिर्यादीनुसार, १२ मे रोजी यवत परिसरात वाहतूक नियंत्रणासाठी विशेष बंदोबस्त ठेवण्यात आला होता. सायंकाळी पुण्याकडे जाणाऱ्या सर्व्हिस रोडवर मोठ्या प्रमाणावर वाहतूक कोंडी झाल्याने पोलीस कर्मचारी वाहतूक सुरळीत करण्याचे काम करत होते. Yavat Police News
याचवेळी एमएच ४२ बीएच ७५६० क्रमांकाची होंडा सीटी ११० दुचाकी भरधाव आणि वेडीवाकडी चालवताना पोलिसांच्या निदर्शनास आली. पोलिसांनी दुचाकीस्वाराला थांबवून चौकशी केली असता तो विशाल गायकवाड असल्याचे समोर आले. त्याच्या तोंडातून मद्याचा तीव्र वास येत असल्याने त्याला ग्रामीण रुग्णालयात नेऊन वैद्यकीय तपासणी करण्यात आली. तपासणीत मद्यसेवन केल्याचे निष्पन्न झाल्यानंतर पुढील कारवाईसाठी त्याला यवत पोलीस ठाण्यात आणण्यात आले. Yavat Police News
यवत पोलीस ठाण्यात आल्यानंतर विशाल गायकवाडने संताप व्यक्त करत थेट पोलिसांशी हुज्जत घालण्यास सुरुवात केली. “मी एसपी ऑफिसमध्ये जातो”, “तुम्ही अवैध प्रवासी वाहतुकीवर कारवाई का करत नाही?”, “तुला उद्या दाखवतो”, “तुझी वर्दी उतरवतो” अशा शब्दांत त्याने पोलिसांना धमकावले. पोलीस कर्मचारी त्याला शांत करण्याचा प्रयत्न करत असताना आरोपी अचानक भडकला आणि पोलीस शिपाई भुलेश्वर मरळे यांच्या अंगावर धावून गेला. त्याने मरळे यांची कॉलर पकडत धक्काबुक्की केली. यावेळी त्यांच्या शर्टच्या दोन गुंड्या तुटल्या तर नेमप्लेट जमिनीवर फेकून देण्यात आली. एवढ्यावरच न थांबता आरोपीने पोलीस ठाण्यात पडलेली काठी उचलून मरळे यांच्या डाव्या हातावर प्रहार केला. या हल्ल्यात त्यांना किरकोळ दुखापत झाली. Yavat Police News
दरम्यान, या घटनेनंतर पोलीस ठाण्यात काही काळ तणावाचे वातावरण निर्माण झाले होते. अखेर पोलिसांनी आरोपीला ताब्यात घेत त्याच्याविरोधात विविध कलमांन्वये गुन्हा दाखल केला. या घटनेमुळे “पोलीस ठाण्यातच पोलिसांवर हल्ले होत असतील, तर सर्वसामान्य नागरिक किती सुरक्षित?” असा सवाल परिसरात उपस्थित केला जात आहे. Yavat Police News
