नवी दिल्ली : प्रसिद्ध कंपनी शाओमी आपला नवीन Redmi Pad Pro 5G लवकरच लाँच करणार आहे. कंपनी 2560×1600 पिक्सेल रिझोल्यूशनसह 12.1 इंच 2.5K LCD पॅनेल यामध्ये देणार आहे. यातील सर्वात महत्त्वाची बाब म्हणजे यामध्ये 10000mAh ची दमदार बॅटरी असणार आहे. याचा बॅकअपही चांगला असणार आहे.
Redmi Pad Pro मध्ये 600 nits च्या पीक ब्राइटनेस लेव्हल असणार आहे. कंपनी डॉल्बी व्हिजनसह चांगला डिस्प्ले असणार आहे. या डिस्प्लेमध्ये गोरिल्ला ग्लास प्रोटेक्शन मिळणार आहे. Pad 8GB पर्यंत LPDDR4x रॅम आणि 256GB पर्यंत UFS 2.2 स्टोरेजसह असणार आहे. तसेच युजर्सना मायक्रो एसडी कार्डच्या मदतीने त्याची मेमरी 1.5 टीबीपर्यंत वाढवता येणार आहे.
याशिवाय, या Pad मध्ये 8 MP चा फ्रंट आणि रिअरलाही 8 MP कॅमेरा देण्यात आला आहे. या पॅडची बॅटरी 10000mAh असणार आहे. ही बॅटरी 33 वॉट फास्ट चार्जिंगला सपोर्ट करते. बायोमेट्रिक सुरक्षिततेसाठी, इन-डिस्प्ले फिंगरप्रिंट सेन्सर पॅडही यामध्ये असणार आहे.
