नवी दिल्ली : सध्या अनेक स्मार्टफोन्स लाँच केले जात आहेत. त्यातच Apple कडून iPhone 16 काही महिन्यांपूर्वीच लाँच करण्यात आला आहे. याला प्रतिसादही चांगला मिळत आहे. असे असताना Samsung ने एक मोठी युक्ती लढवत Galaxy S24 Ultra वर एक-दोन नाहीतर तब्बल 20 हजारांची सूट दिली जात आहे.
कंपनीने आपल्या फ्लॅगशिप डिव्हाईस Samsung Galaxy S24 Ultra वर डिस्काउंट ऑफर जाहीर केली आहे. ही ऑफर मर्यादित कालावधीसाठी आहे, ज्यामध्ये तुम्ही 20 हजार रुपये वाचवू शकता. Samsung Galaxy S24 Ultra वर कंपनी 20 हजार रुपयांची ऑफर देत आहे. यामध्ये तुम्हाला 8 हजार रुपयांचा झटपट कॅशबॅक आणि 12 हजार रुपयांचा अतिरिक्त अपग्रेड बोनस मिळत आहे. ग्राहकांना 12 हजार रुपयांची बँक कॅशबॅक ऑफर मिळत आहे.
यावर 24 महिने नो-कॉस्ट ईएमआयचा पर्याय उपलब्ध आहे. त्याची मूळ किंमत 1,29,999 रुपये आहे, जी तुम्ही सवलतीनंतर 1,09,999 रुपयांमध्ये खरेदी करता येऊ शकणार आहे. कंपनीने हा फोन वर्षाच्या सुरुवातीला लाँच केला होता. यामध्ये तुम्हाला 6.8-इंचाचा डायनॅमिक LTPO AMOLED डिस्प्लेसह स्क्रीन 120Hz रिफ्रेश रेटला सपोर्ट करते.
