नवी दिल्ली : प्रसिद्ध टेक्नॉलॉजी कंपनी Samsung ने आता आपला नवा स्मार्ट टीव्ही लाँच केला आहे. Samsung QLED 4K Premium असा हा स्मार्ट टीव्ही असून, यात 4K सपोर्ट मिळणार आहे. हा टीव्ही 55 इंच, 65 इंच आणि 75 इंच या पर्यायांमध्ये उपलब्ध असणार आहे.
Samsung च्या नवीन टीव्हीमध्ये Quantum Processer Lite 4K देण्यात आला आहे, जो 100 टक्के कलर व्हॉल्यूम वापरतो. हे क्वांटम डॉट टेक्नॉलॉजीवर आधारित आहे. हा क्वांटम डॉट तंत्रज्ञान आणि क्वांटम एचडीआर सपोर्टसह येतो. यासोबतच हा टीव्ही अपग्रेडेड 4K वापरतो. शिवाय, हा टीव्ही रिझोल्यूशनदेखील सुधारण्यास मदत करतो.
तसेच यामध्ये ड्युअल एलईडीचा वापर करण्यात आला आहे. यूजर्स चांगल्या गेमिंग एक्सीपिरियंससाठी Motion Xcelerator चा वापर करू शकतील. ट्रूली इमार्सिव्ह एक्सपीरियंससाठी यात Q-Symphony, OTS Lite आणि Adaptive Sound सारख्या फीचर्सचा वापर करण्यात आला आहे. यात 3D साउंड इफेक्टही असणार आहे.
