नवी दिल्ली : सध्या अनेक स्मार्टफोन लाँच केले जात आहेत. त्यात विशेष असे फिचर्सही दिले जात आहेत. मात्र, जितके चांगले फिचर्स तितक्या जास्त किंमती हे नक्की. पण, प्रसिद्ध स्मार्टफोन निर्माता कंपनी Realme ने आपला नवा Realme C55 स्मार्टफोन लाँच केला आहे. या स्मार्टफोन जबरदस्त असे फिचर्स देण्यात आले आहेत.
Realme C55 या स्मार्टफोनमध्ये चांगली बॅटरी देण्यात आली आहे. यामध्ये 5000mAh बॅटरीसह तुम्हाला स्टायलिश लूक, दमदार परफॉर्मन्स मिळणार आहे. या स्मार्टफोनमध्ये 6.72 इंच HD+ डिस्प्ले देण्यात आला आहे, जो एक चांगला पिक्चरचा अनुभव देतो. शिवाय, स्लिम आणि स्लीक डिझाइनमुळे ते खूप प्रीमियम दिसते. हा फोन 90Hz रिफ्रेश रेटवर काम करतो. या फोनमध्ये तुम्हाला ऑक्टा कोअर मीडियाटेक हेलिओ जी 88 प्रोसेसर देण्यात आला आहे.
या फोनचा स्टोरेज विविध पर्यायामध्ये उपलब्ध आहे. यात 4GB/6GB/8GB रॅम आणि 64GB/128GB/256GB स्टोरेज प्रकार असणार आहेत. तर 64 मेगापिक्सलचा प्रायमरी कॅमेरा तर 2 मेगापिक्सेलचा पोर्ट्रेट कॅमेरा पाहायला मिळतो. Realme C55 स्मार्टफोनमध्ये व्हिडिओ कॉलिंग आणि सेल्फीसाठी 8-मेगापिक्सलचा फ्रंट कॅमेरा देण्यात आला आहे. सध्या हा स्मार्टफोन 12 हजारांपर्यंत ऑनलाईन मिळणार असल्याचे सांगण्यात येत आहे.
