पुणे: सध्या तरुणांपासून वृद्धापर्यंत रिल्सची क्रेझ आहे. याच रिल्सच्या जोरावर अनेकजण इन्फ्लुएन्सर, सोशल मीडिया स्टार झाले आहेत. इन्स्टाग्रामवर रिल्स स्क्रोल करायला सुरुवात केल्यानंतर त्या एकामागून एक येतात. ज्या पाहण्यात अनेकांचा बराच वेळ जातो. काही जण तर दिवसातून यावर तासनतास खिळून राहतात. पण जे व्हॉट्सॲप वापरतात त्यांचे काय ? व्हॉट्सॲपमध्ये रिल्सचीची कमतरता होती, आता ती देखील पूर्ण झाली आहे. यामध्ये मेटा एआय तुम्हाला मदत करेल. आता तुम्ही व्हॉट्सॲपवरही इन्स्टाग्राम रिल्स पाहू शकता. मग तो कोणताही इन्फ्लुएन्सर असो किंवा कोणताही रिल्स स्टार असो.
व्हॉट्सॲपवर इन्स्टाग्राम रिल्स पाहण्यासाठी तुम्हाला कुठेही जाण्याची गरज नाही. यासाठी तुम्हाला तुमच्या स्मार्टफोनमध्ये व्हॉट्सॲपवर जावे लागेल, त्यानंतर मेटा एआय चॅटबॉट उघडा. मेटा एआय चॅटबॉट उघडल्यानंतर, चॅटमध्ये ज्याच्या रील तुम्हाला पाहायच्या आहेत, त्या इन्फ्लुएन्सरचे नाव टाईप करा, त्यानंतर त्या रिल्स स्टारचे काही ठरावीक व्हिडीओ यामध्ये येतील. या रिल्सवर क्लिक केल्यास तुम्ही रिलस्टारच्या इन्स्टाग्रामच्या मुख्य प्रोफाइलवर पोहोचता. ज्यामुळे तुम्हाला त्याच्या रिल्स बघता येतील तसेच ज्यांना या इन्फ्लुएन्सरला फॉलो करायचे आहे ते त्याला फॉलोसुद्धा करू शकतात.
