नवी दिल्ली : प्रसिद्ध स्मार्टफोन निर्माता कंपनी Realme ने आपला नवीन स्मार्टफोन Narzo 70 Pro 5G नुकताच लाँच केला. Realme चा हा एक बजेट स्मार्टफोन आहे. या फोनचा अर्ली बर्ड सेल झाला. म्हणजे ज्या दिवशी हा स्मार्टफोन लाँच केला गेला, त्याचदिवशी बंपर विक्री झाली.
या स्मार्टफोनची Realme.com आणि Amazon.in वर सुरुवातीला चांगली विक्री झाली. या स्मार्टफोनचे 300 युनिट्स प्रति मिनिट विकले जात असल्याचे कंपनीकडून दावा करण्यात आला. मागील जनरेशनच्या तुलनेत या फोनच्या विक्रीत 338 टक्क्यांनी वाढ झाली आहे. मात्र, या स्मार्टफोनचे किती युनिट्स विकले गेले याची माहिती कंपनीने दिलेली नाही.
Realme Narzo 70 Pro 5G दोन कलर वेरियंटमध्ये लाँच करण्यात आला. Glass Green आणि Glass Gold असे याचे कलर आहेत. त्याची किंमत 18,999 रुपयांपासून सुरू होते, जी 8GB RAM + 128GB स्टोरेज वेरिएंटसाठी आहे. आता या फोनची विक्री 22 मार्चपासून सुरू होणार आहे. या फोनसाठी बँक डिस्काऊंट आणि मोफत Realme T300 TWS मिळणार आहे.
