नवी दिल्ली : बोट या कंपनीने नवीन लुनार टिगॉन स्मार्टवॉच नुकताच लाँच केला आहे. हा स्मार्टवॉच परवडणाऱ्या दरात असून, याची किंमत 3 हजार रुपयांपर्यंत असणार आहे. या वॉचमध्ये 1.45 इंचाचा अॅमोलेड डिस्प्ले देण्यात आला आहे. ज्यात 600 निट्स पीक ब्राइटनेस मिळते.
स्मार्टवॉच SpO2 मॉनिटरिंग, स्लीप ट्रॅकिंग इत्यादी अनेक हेल्थ फीचर्सना सपोर्ट करतो. या स्मार्टवॉचची किंमत 2899 रुपये असून, हे वॉच अॅक्टिव्ह ब्लॅक, स्टिल ब्लॅक, मेटर गोल्ड आणि डीप ब्ल्यू अशा कलर्समध्ये खरेदी करता येईल. या वॉचचा डिस्प्ले 466×466 पिक्सल रिजॉल्यूशन आणि 600 निट्स पीक ब्राइटनेसला सपोर्ट करतो. नेव्हिगेशनसाठी राउंड बटण साईडमध्ये देण्यात आले आहे. यामध्ये ब्लड ऑक्सिजन लेव्हल (SpO2), मेन्यूस्ट्रल सायकल, हार्ट रेट मॉनिटरिंगसारखे अनेक हेल्थ फीचर्स मिळतात.
तसेच इतर फीचर्स पाहता यामध्ये ब्लूटूथ कॉलिंगचा सपोर्ट आहे. त्यासाठी इनबिल्ट स्पिकर आणि मायक्रोफोन मिळतो. कॉलिंगसाठी क्विक डायल पॅड आहे ज्यात 10 कॉन्टेक्ट सेव्ह देखील करता येतात. हा 100 पेक्षा जास्त स्पोर्ट्स मोडचा सपोर्ट देण्यात आला आहे. त्याचबरोबर धूळ आणि पाण्यापासून वाचण्यासाठी हे स्मार्टवॉच आयपी 67 रेटिंगसह येते.
