राहुरी : राहुरी तालुक्यातील गडाखवाडी येथे एका 85 वर्षीय वृद्ध महिलेचा मृतदेह विहिरीत आढळला. या महिलेच्या अंगावर काही जखमा देखील दिसून आल्या. नानुबाई शिवराम गागरे (वय 85) असे या महिलेचे नाव आहे.
नानुबाई या राहुरी तालुक्यातील गडाखवाडी परिसरात राहत होत्या. त्यांच्या राहत्या घरापासून काही अंतरावर एक विहीर आहे. एका तरुणाने त्या विहिरीत एका महिलेचा मृतदेह पाहिला. थोड्याच वेळात परिसरातील अनेक नागरिक घटनास्थळी जमा झाले. घटनेची माहिती मिळताच पोलिस पथकाने घटनास्थळी धाव घेतली. त्यावेळी स्थानिकांनी मदतकार्य केले. तर काही तरुणांनी विहिरीत उतरुन महिलेचा मृतदेह विहिरीच्या बाहेर काढला. त्यावेळी संबंधित महिलेच्या अंगावर काही जखमा दिसून येत होत्या.
दरम्यान, या महिलेचा मृतदेह रुग्णवाहिकेतून राहुरी येथील ग्रामीण रुग्णालयात नेण्यात आला. मृतदेहाचे शवविच्छेदन करुन मृतदेह नातेवाईकांच्या ताब्यात देण्यात आला. याप्रकरणी राहुरी पोलिस ठाण्यात आकस्मात मृत्यूची नोंद करण्यात आली.
