सोलापूर: दारूच्या नशेत आईला शिवीगाळ करणाऱ्या लखन रघुनाथ गायकवाड (वय २३, रा. तोडकरवस्ती, बाळे-पुणे रोड, सोलापूर) याचा खून झाला आहे. आईच्या डोळ्यासमोर संशयित आरोपीने मुलाला बेदम मारहाण केली. यात मुलाचा मृत्यू झाला, अशी फिर्याद लखन गायकवाड याची आई अलका गायकवाड (वय-५५, रा.तोडकर वस्ती, बाळे-पुणे रोड, सोलापूर) यांनी फौजदार चावडी पोलीस ठाण्यात दाखल केली. त्यानुसार नागेश ज्ञानेश्वर कोळेकर (रा.तोडकर वस्ती, बाळे), आशुतोष ऊर्फ आवी राजू गाडेकर (रा. मॅगाणे नगर, बाळे, सोलापूर) या दोघांवर गुन्हा दाखल करण्यात आला. लखन गायकवाड यास दारूचे व्यसन होते. नागेश कोळेकर यांच्या गाडीवर तो दाखल करण्यात आला आहे.
लखन गायकवाड यास दारूचे व्यसन होते. नागेश कोळेकर यांच्या गाडीवर तो क्लीनर म्हणून काम करत होता. घटनेच्या दिवशी म्हणजे १६ मे रोजी दुपारच्या सुमारास दारुच्या नशेत घरी येऊन आईला दारू पिण्यासाठी पैसे दे असे म्हणत होता. तेव्हा आईने माझ्याकडे पैसे नाहीत असे सांगत असताना तो आईला शिवीगाळ करीत होता. त्यावेळी नागेश कोळेकर आणि आशुतोष गाडेकर तिथे आले. लखन यास आईस शिवीगाळ का करत आहे? तुला सांगितलेले कळत नाही काय? असे म्हणत लाकडी दांडका व प्लॅस्टिकच्या पाईपने मारहाण केली. तेव्हा, लखनच्या आईने मारहाण करू नका असे सांगत असतानाही त्या दोघांनी त्यांचे काही ऐकले नाही. या बेदम मारहाणीतच लखन यास जखमी करून जीवे ठार मारले, असे आईने फिर्यादीत महटले आहे. सहाय्यक पोलीस निरीक्षक बारावकर तपास करीत आहेत.
या घटनेत आईने दिलेल्या फिर्यादीनुसार नागेश ज्ञानेश्वर कोळेकर (रा.तोडकर वस्ती, बाळे, सोलापूर), आशुतोष ऊर्फ आवी राजू गाडेकर (रा. मेगाणे नगर, बाळे, सोलापूर) या दोघांवर गुन्हा दाखल झाला आहे. घटना घडल्यापासून दोघे आरोपी फरार आहेत. पोलीस त्यांच्या मागावर आहेत.
