Solapur Barshi Teacher Family Case : सोलापूर जिल्ह्यातून एक अंगावर थरकाप उडवणारी घटना घडली आहे. करमाळा तालुक्यात जिल्हा परिषद शाळेत मुलांना शिक्षणाचे धडे देणाऱ्या एका शिक्षकाने आपल्या पत्नीचा गळा चिरून खून केला आहे. इतक्यावरच न थांबता पोटच्या पाच वर्षीय मुलाची हत्या करत स्वत:ला देखील संपवलं आहे. ही धक्कादायक घटना मंगळवारी दुपारच्या सुमारास सोलापूर जिल्ह्यातील बार्शी तालुक्यात घडली आहे. एकाच कुटुंबातील तिघांचा जीव गेल्याने परिसरातून हळहळ व्यक्त केली जात आहे. (Teacher Family Case)
अतुल मुंढे असं मृत शिक्षकाचं नाव असून तृप्ती मुंढे आणि ओम मुंढे अशी हत्या झालेल्या माय-लेकांची नावं आहेत. घटनेची माहिती मिळताच बार्शी पोलिसांनी घटनास्थळी धाव घेत कुटुंबाचे मृतदेह ताब्यात घेतले आहेत. दरम्यान, अतुल यांनी इतकं टोकाचं पाऊल का उचललं. यामागचं कारण अद्याप अस्पष्ट आहे. मात्र, एकाच कुटुंबातील तिघांचा जीव गेल्याने परिसरातून हळहळ व्यक्त होत आहे. (Solapur News)
पोलिसांनी दिलेल्या माहितीनुसार, अतुल मुंढे हे करमाळा तालुक्यातील जिल्हा परिषद शाळेत शिक्षक होते. त्यांच्या पत्नी तृप्ती या बार्शीतील अभिनव प्राथमिक शाळेत शिक्षका होत्या. दोन्ही दाम्पत्यानं ५ वर्षांचा मुलगा ओम होता. सगळं काही सुरळीत सुरू असताना मंगळवारी दुपारच्या सुमारास अतुल मुंढे यांनी पत्नी तृप्ती यांची चाकूने गळा चिरुन हत्या केली. त्यानंतर त्यांनी मुलगा ओम याचा देखील उशीने तोंड दाबून खून केला. या संपूर्ण घटनेनंतर अतुल यांनी स्वत: गळफास घेत आपलं आयुष्य संपवलं. दरम्यान, शिक्षक दाम्पत्य आणि त्यांचा पाच वर्षाच्या मुलाच्या हत्येने परिसरात हळहळ व्यक्त केली जात आहे.(Solapur Crime News)
