Kolhapur Crime : कोल्हापूर : कोल्हापूरमध्ये सासरच्या लोकांच्या छळाला कंटाळून महिलेने दोन वर्षाच्या चिमुकल्यासह आत्महत्या केल्याची धक्कादायक घटना घडली आहे. विहिरीत उडी घेऊन महिलेने आपले आणि मुलाचे जीवन संपवले.
मुंबईत फ्लॅट घेण्यासाठी माहेरकडून दोन लाख रुपये आणण्याचा तगादा सासरच्या मंडळींनी महिलेवर लावला होता. ही घटना भुदरगड तालुक्यातील भेंडवडे गावात घडली. काजल सलते आणि प्रियांशू सलते अशी मृतांची नाव आहेत. भुदरगड पोलीस ठाण्यात याप्रकरणी पती, सासू, सासरा आणि नणंद यांच्या विरोधात गुन्हा दाखल झाला आहे. पोलिसांनी चौघांना अटक केली आहे.
सासरच्या लोकांची ही मागणी पूर्ण होत नसल्याने सासरच्या लोकांनी काजलला शारीरिक आणि मानसिक त्रास देण्यास सुरूवात झाली होती. या त्रासाला कंटाळूनच काजल यांनी घरापासून जवळच असलेल्या विहिरीत दोन वर्षाच्या प्रियांशुला घेऊन उडी टाकली.
