कोल्हापूर : येथील निपाणी जवळील तवंदी घाटात भीषण अपघात झाला आहे. बेळगावहून कोल्हापूरला निघालेल्या कंटेनरने तब्बल 7 वाहनांना जोरात धडक दिली आहे. या भीषण अपघातात 3 जणांचा जागीच मृत्यू झाला आहे. तर, 6 जण गंभीर जखमी झाले आहेत.
मिळालेल्या माहितीनुसार, रविवारी रात्रीच्या सुमारास एक कंटेनर बेळगाववरून कोल्हापूरला निघाला होता. यावेळी कंटेनरचा वेग हा जास्त होता. हा कंटेकर निपाणी जवळील तवंदी घाटात आल्यावर अचानक चलकांचे कंटेनरवरील नियंत्रण सुटले. यामुळे रस्त्यावरील इतर 7 ते 8 वाहनांना या ट्रकने जोरात धडक दिली. भरधाव वेगात असलेल्या कंटेनरने 3 कार, 2 लॉरी, 1 कंटेनर व काही दुचाकी गाड्यांना धडक दिली.
या घटनेत या वाहनांचा चक्काचूर झाला. या अपघातात दुचाकीस्वार आणि कार मधील दोन जणांचा जागीच मृत्यू झाला आहे. जखमी झालेल्या काही जणांची प्रकृती चिंताजनक आहे. त्यांना निपाणी मधील रुग्णालयात दाखल करण्यात आले असून त्यांच्यावर उपचार सुरु आहेत. कंटेनर वाहनचालकाच्या निष्काळजीपणामुळे हा अपघात झाला असल्याचे बोलले जात आहे.
