-लहू चव्हाण
पाचगणी : पाचगणी पालिका क्षेत्रातील नागरी सेवा व सुविधा स्थानिक स्वराज्य संस्थांच्या अंतर्गत विविध विकास कामांसाठी 1 कोटी 71 लाख 12 हजार रुपयांचा निधी मंजूर झाला आहे. अशी माहिती माजी नगराध्यक्ष शेखर कासुर्डे यांनी दिली आहे.
पाचगणी येथील छत्रपती शिवाजी महाराज स्मारक सुशोभीकरण करण्यासाठी 14.12 रोवन रोड लगत फा. प्लॉट नं. 1 येथे काँक्रीट रोड विकसित करण्यासाठी 20 लाख रुपये, छत्रपती शिवाजी महाराज चौक ते संत नामदेव महाराज रोड पर्यंत मुख्य रस्त्यालगत पावसाळी गटर विकसित करण्यासाठी 25 लाख रुपये, श्री द्वारकानाथ प्रभाळे यांच्या घरासमोरील सार्वजनिक रस्ता विकसित करण्यासाठी 15 लाख रुपये, गावठाणमधील डॉ. वासुदेव दवाखाना ते गणपती मंदिर रोड मधील (पांदी) रस्ता विकसित करण्यासाठी 10 लाख रुपये, वाल्मिकी नगर येथे सभामंडप बांधण्यासाठी 25 लाख रुपये, शाहू नगर येथे पावसाळी गटर विकसित करण्यासाठी 22 लाख रुपये, शाहू नगर येथे फायनल प्लॉट नं. 16/4 येथे रस्ता काँक्रीटीकरण करण्यासाठी 25 लाख रुपये, पाचगणी विठ्ठल मंदिर लगत संरक्षण भिंत बांधण्यासाठी 15 लाख रुपये, असा एकूण 1 कोटी 71 लाख 12 हजारांचा निधी मंजूर केला आहे.
सदर कामे संबंधित नगरपरिषद कार्यान्वित यंत्रणेमार्फत करण्यात येणार आहेत. मंजूर करण्यात आलेला निधी तात्काळ संबंधित नगरपरिषदेकडे वर्ग करण्याच्या सूचना दिल्या आहेत.
