पाचगणी / लहू चव्हाण : पाचगणी पोलिस ठाण्यात पोलिस उपनिरीक्षकपदी शिवाजी ननवरे यांची नेमणूक जिल्हा पोलीस अधीक्षक समीर शेख यांनी केली आहे. या पोलीस ठाण्याचा कार्यभार सहाय्यक पोलीस निरीक्षक राजेश माने सांभाळत आहेत.
पोलीस ठाणे हद्द क्षेत्रात येणारी गावे त्याचबरोबर पर्यटनस्थळ असल्यामुळे सहाय्यक पोलिस अधिकार्‍याची गरज होती. पुणे लोणी काळभोर पोलीस ठाण्यात उपनिरीक्षक म्हणून कार्यरत असलेले शिवाजी ननवरे यांची पाचगणी पोलीस स्टेशन येथे बदली झाली आहे.
ननवरे २०१३ च्या लोकसेवा आयोगाच्या परीक्षेतून महाराष्ट्र पोलिसमध्ये दाखल झाले असून, त्यांची पहिली पोस्टींग नक्षलग्रस्त गडचिरोली येथे झाली होती. त्यांनी याठिकाणी चार वर्षे सी ६० कमांडो पथकात काम केले असून, त्यांनी पथकाचे नेतृत्व केले आहे. त्यांना पोलिस महासंचालक पदक, २०१९ मध्ये विशेष सेवा पदक, याचबरोबर १०० पेक्षा जास्त बक्षिसे मिळाली आहेत.
ननवरे यांनी हिमालयामधील ‘कागंयत्से-२’ हे अवघड शिखर सर केले आहे. ननवरे यांनी जगातील सर्वात उंच शिखर माउंट एव्हरेस्ट मे २०२३ मध्ये यशस्वीरीत्या सर आहे.
