यवतमाळ: यवतमाळमधून (Yavatmal Crime) एक धक्कादायक बातमी समोर आली आहे. येथील शेतातील एका विहिरीत अल्पवयीन प्रेमीयुगुलांचा मृतदेह आढळून आला आहे. ही घटना यवतमाळच्या घाटंजी तालुक्यात घडली आहे. या घटनेमुळे परिसरात खळबळ उडाली आहे.
मिळालेल्या माहितीनुसार, स्थानिक ग्रामस्थांना शिवारातील एका विहिरीत दोन मृतदेह तरंगलेले आढळून आले. त्यानंतर स्थानिकांनी पोलिसांना सदर घटनेची माहिती दिली. पोलीस तत्काळ घटनास्थळी पोहचले. त्यानंतर पोलिसांनी पंचनामा केला. दरम्यान, प्रेमसंबंधातून दोघांनीही आत्महत्या केली असावी, असा प्राथमिक अंदाज पोलिसांनी व्यक्त केला आहे. या घटनेमुळे परिसरात एकच खळबळ उडाली आहे.
दोघेही घरातून बेपत्ता (Yavatmal Crime)
प्रेमयुगुल 5 ऑक्टोबर पासून बेपत्ता असल्याची माहिती मिळत आहे. मुलगी बेपत्ता झाल्यानंतर 2 दिवस होऊन गेले तरी देखील मुलगी ण सापडल्याने मुलीच्या बापाने पोलीस ठाण्यात धाव घेत रीतसर तक्रार नोंदवली होती. त्यानंतर पोलिसांनी शोधकार्य सुरु केले होते.
दरम्यान, दोघांचेही मृतदेह विहिरीत पाण्यात तरंगताना ग्रामस्थांना आढळले. पोलिसांनी पंचनामा केल्यानंतर अल्पवयीन प्रेमीयुगुलांनी प्रेमप्रकरणातून आत्महत्या केली असावी असा अंदाज व्यक्त केला आहे. पोलिसांकडून सदर प्रकरणाचा अधिक तपास सुरू आहे.
