अमरावती: माणुसकीला काळिमा फासणाऱ्या अमरावतीच्या ‘सेक्स स्कँडल’ प्रकरणात दररोज नवनवे आणि धक्कादायक खुलासे होत आहेत. परतवाडा येथील मुलींचे लैंगिक शोषण करून त्यांचे व्हिडिओ व्हायरल करणाऱ्या अयान अहमद आणि उझेर खान या नराधमांमध्ये चक्क ‘कोणी किती मुलींना जाळ्यात ओढले’ याची शर्यत लागली होती. हे पोलिस तपासातून समोर आले आहे.
अयान आणि उझेर हे एकमेकांचे मित्र असले तरी, त्यांच्यात पैशांवरून कडाक्याचे भांडण झाले. या वादाचा वचपा काढण्यासाठी उझेर खानने अयानचे सर्व अश्लील व्हिडिओ सोशल मीडियावर व्हायरल केले.
आपली ‘शर्यत’ जिंकल्याचे सिद्ध करण्यासाठी अयानने हे व्हिडिओ उझेरला पाठवले होते, जे नंतर उझेरने बदल्याच्या भावनेने सार्वजनिक केले. दोन गुन्हेगारांच्या आपापसातील भांडणामुळे हा धक्कादायक प्रकार समोर आला आहे. दरम्यान, या प्रकरणी रोज नवीन खुलासे समोर येत असून पोलिस तपासात आणखी खुलासे समोर येण्याची शक्यता आहे.
या प्रकरणात सर्वात संतापजनक बाब म्हणजे मुख्य आरोपी अयान अहमदची पोलिसांशी असलेली जवळीक, अयानने भररस्त्यात केक कपात वाढदिवस साजरा केला होता. दरम्यान, भर रस्त्यात केक कापला म्हणून कारवाई न करता पोलिसांनी त्याला केक भारवून वाढदिवसाच्या शुभेच्छा दिल्या होत्या. दरम्यान, पोलिसांच्या भूमिकेमुळे आता अनेक प्रश्नचिन्ह उपस्थित केले जात आहे.
