डॉ. अशोक बालगुडे
पुणे : अवैध गांजा विक्री व पुरवठ्याविरोधात काळेपडळ पोलिसांनी धडाकेबाज कारवाई करत सहा जणांना अटक केली. आरोपींकडून १.०४४ किलो गांजा, चारचाकी वाहन व मोबाईल असा एकूण ९ लाख २७ हजार ३७७ रुपयांचा मुद्देमाल जप्त करण्यात आला.
२१ सप्टेंबर रोजी एसआरपीएफच्या मोकळ्या मैदानाजवळ गांजा घेऊन एक संशयित थांबल्याची माहिती पोलिसांना मिळाली. त्यानुसार सापळा रचून योगेश प्रल्हाद अडसुळ (४०, रा. काळेपडळ) याला ताब्यात घेण्यात आले. त्याच्याकडून १.०४४ किलो गांजा जप्त करण्यात आला.
तपासात गांजा पुरवठ्याच्या आरोपावरून विजय राजू हुबळीकर (२९), बबन बाबुराव दांडगे (३९), अशोक ऊर्फ अक्षय सतीश जाधव (२८), साहिल सुभाष ठोंबे (२७) आणि विकास संदीप बोदडे (२०) यांना अटक करण्यात आली. त्यांच्याकडून चारचाकी आणि मोबाईलसह ८ लाख ५५ हजार रुपयांचा मुद्देमाल जप्त करण्यात आला.
पोलिसांच्या माहितीनुसार, अटक आरोपींपैकी काहींविरुद्ध खून, खुनाचा प्रयत्न आणि एनडीपीएस कायद्यांतर्गत कोथरूड, यवत, वानवडी, नगर तालुका आणि भिंगार पोलिस ठाण्यांत गुन्हे दाखल आहेत.
गुन्ह्याचा पुढील तपास सहायक पोलीस निरीक्षक अमित शेटे करीत आहेत.
ही कारवाई पोलीस उपायुक्त जीवन बेनीवाल (परिमंडळ-६) आणि सहायक पोलीस आयुक्त अतुलकुमार नवगिरे (हडपसर विभाग) यांच्या मार्गदर्शनाखाली, वरिष्ठ पोलीस निरीक्षक गिरीषा निंबाळकर यांच्या सूचनेनुसार करण्यात आली. पोलीस निरीक्षक (गुन्हे) आण्णासो बाबर, सहायक पोलीस निरीक्षक रत्नदिप गायकवाड, सहायक पोलीस निरीक्षक अमित शेटे आणि त्यांच्या पथकाने कारवाई केली.
