अमरावती: अमरावतीमध्ये एका धक्कादायक प्रकरणामुळे संपूर्ण परिसरात खळबळ उडाली (Viral Video) आहे. एका तरूणाने त्याच्या प्रेयसीशी झालेल्या वादातून इमारतीच्यावरून उडी मारण्याची धमकी देत थेट इमारतीच्या सहाव्या मजल्यावर चढला. या घटनेचा व्हिडीओ सध्या सोशल मीडियावर व्हायरल (#ViralVideo) होत आहे.
माहिती नुसार, तरूण आणि त्याची प्रेयसी यांच्यात काही दिवसांपूर्वी वाद झाला होता. दरम्यान, तरूणीने त्रासाला कंटाळून पोलिस ठाण्यात तक्रार दाखल केली. याच रागातून तरूण इमारतीच्या वरच्या मजल्यावर गेला आणि प्रेयसीला व्हिडीओ कॉलद्वारे उडी मारण्याची धमकी दिली. घाबरलेल्या तरुणीने याबद्दल पोलिसांना माहिती दिली, पोलिसांनी घटनास्थळी ताबडतोब धाव घेतली.
पोलिसांनी तरुणाला 2 तास समजावल्यानंतर अखेर तरुण खाली उतरला. सोशल मीडियावर व्हायरल झालेल्या या व्हिडीओवर लोकांनी संतप्त प्रतिक्रिया दिल्या आहेत. तरूण-तरुणींच्या अशा भांडणांचे व्हिडीओ अनेकदा व्हायरल होतात. परंतु या व्हिडीओची चर्चा चांगलीच रंगली आहे.
