अमरावती : मध्य रेल्वे मुंबई विभागाने पुणे – अजनी – पुणे (०१४६५) सुपरफास्ट विकली स्पेशल रेल्वे २६ डिसेंबरपासून सुरू करण्याचा निर्णय घेतला आहे. पुणे येथून २६ डिसेंबर २०२३ आणि २ जानेवारी २०२४ रोजी ३ वाजून १५ मिनिटांनी सुटेल, तर अजनी येथे दुसऱ्या दिवशी ४.५० मिनिटांनी पोहोचेल.
अजनी – पुणे (०१४६६) सुपरफास्ट विशेष गाडी अजनी येथून २७ डिसेंबर २०२३ आणि ३ जानेवारी २०२४ रोजी ७ वाजून ५० वाजता सुटेल. ही गाडी पुणे येथे दुसऱ्या दिवशी ११ वाजून ३५ मिनिटांनी पोहोचेल. या गाडीला दौंड, कोपरगाव, मनमाड, भुसावळ, नांदुरा, अकोला, बडनेरा, धामणगाव आणि वर्धा या रेल्वे स्थानकावर थांबे देण्यात आले आहेत.
