नागपूर : राज्यात महिला व मुलींवरील अत्याचाराच्या घटनांमध्ये दिवसेंदिवस वाढ होताना दिसत आहे. बदलापूरमधील शाळेतील मुलींवर झालेला अत्याचार असो की राज्यभरातील वेगवेगळ्या शहरातील घटना असो, मुली-महिला अत्याराला बळी पडतानाच दिसत आहेत. नराधम गुन्हेगारांना कायद्याचा काही धाकच उरलेला नाही. अशातच आता नागपूरातील पारडी परीसरात एका 8 वर्षांच्या मुलीला चॉकलेटचे आमिष दाखवून तिच्यावर अत्याचार करण्यात आला.
पोलिसांनी दिलेल्या माहितीनुसार, एक 8 वर्षाची मुलगी व तिची 4 वर्षाची लहान बहीण दोघीच घरी होत्या. मुलीचे आई-वडील कामानिमित्त घराबाहेर गेले होते. घरी दोघीच रहात होत्या. त्यावेळी दुपारच्या सुमारास दुचाकीवरून एक व्यक्ती तिच्या घरी आला. या व्यक्तीने पीडित मुलीला घरात आई-वडील आहेत का विचारले. आरोपीने मुलीचे पालक घरात नसल्याची खात्री केली व घरात घुसला. आरोपीने मुलीच्या 4 वर्षाच्या बहिणीला घराबाहेर ठेऊन पीडितेला चॉकलेटचे आमिष दाखवून तिला घरात घेऊन गेला व तिच्यावर अत्याचार करुन तो फरार झाला आहे.
या घटनेनंतर रात्री मुलीचे आईवडील घरी आले त्यावेळी मुलीने आपल्यासोबत घडलेला संपूर्ण प्रकार त्यांना सांगितला. हे सगळं ऐकूण पालकांच्या पायाखालची जमीनच सरकली. यानंतर पीडित मुलीच्या पालकांनी तात्काळ पोलीस स्टेशन गाठत अज्ञात आरोपीविरोधात तक्रार दाखल केली आहे.
या प्रकरणी मुलीच्या पालकांनी पोलीसात तक्रार दाखल केली आहे. पोलीसांनी अनोळखी आरोपीचे स्केच तयार केले असून पोलीस त्याचा शोध घेत आहेत.
