nagpur news : नागपूर: नागपूर शहरातील शहरातमध्ये पेट्रोल पंपांना छावणीचे स्वरूप आले आहे. पेट्रोल पंपांमध्ये नुचित प्रकार घडू नये म्हणून पोलिसांची कडेकोट सुरक्षा पुरवण्यात आली आहे. पोलीस अधीक्षक यांच्या स्वत: च्या नेतृत्वात कळमेश्वरमध्ये पोलिस दाखल झाले आहेत. जिल्ह्यातील बोखेडीसह तीन ठिकाणी असलेल्या इंधन डेपोमध्ये अनुचित प्रकार घडू नये म्हणून पोलिसांची कडेकोट बंदोबस्त तेनात करण्यात आला आहे.
जाळपोळ, १६ जणांना अटक
ट्रकचालकांनी सोमवारी दुपारी कुही पोलीस ठाण्याच्या हद्दीतील पाचगाव येथे रास्ता रोको करून टायर जाळले. याप्रकरणी कुही पोलिसांनी गुन्हा दाखल करून १६ जणांना अटक केली. याशिवाय गोंडखैरीतही चक्काजाम आंदोलन करणाऱ्यांविरुद्ध गुन्हा दाखल करण्यात आला आहे.
चंद्रपूर, वर्धा , भंडारा व अमरावतीला इंधन पुरवठा केला जातो. पुरवठा सुरळीत राहावा याची विशेष काळजी घेण्यात येत आहे नागपूर जिल्ह्यातील सहा उपविभागांतर्गत १५ सशस्त्र पोलिसांची स्ट्रायकिंग फोर्स तसेच दंगल नियंत्रण पथक सज्ज आहे. अत्यावश्यक सेवा देणाऱ्या वाहनांना इंधन कमी पडणार नाही, याची विशेष काळजी ग्रामीण पोलिसांकडून घेण्यात येत आहे.
पेट्रोलसाठी मारहाण
पंपावर इंधन भरण्यावरून झालेल्या वादातून सहा जणांनी डीआरएम कार्यालयातील कर्मचाऱ्यावर हल्ला केला. त्यात कर्मचारी अंकित मनोहर मडावी (वय २१ रा. खलाशी लाइन, मोहननगर ) जखमी झाला. सोमवारी रात्री ११ वाजता अंकित हा संविधान चौकातील पंपावर मोटारसायकलमध्ये पेट्रोल भरण्यासाठी आला.
पेट्रोल टँकर पंपापर्यंत पोहचवण्यासाठी शहर व ग्रामीण पोलिसांची संयुक्त कृती समिती स्थापन केली आहे. पेट्रोल पंप मालक , डेपोचे अधिकारी, ग्रामीण व शहर पोलिसांच्या अधिकाऱ्यांचा व्हॉट्सअॅप ग्रुप तयार केले आहेत. परिस्थितीनुसार उपाययोजना आखण्यात येत आहेत. जिल्ह्यातून , अशी माहिती अधिकाऱ्यांनी दिली.
