Dhule Crime: धुळे शहरातून शिक्षकी पेशाला काळिमा फासणारी धक्कादायक बातमी समोर आली आहे. येथील एका शाळेतील मुख्याध्यापकाने एका महिलेला पेढ्यातून गुंगीचे औषध देत तिच्यावर लैंगिक अत्याचार केल्याचा संतापजनक प्रकार समोर आला आहे. भयंकर बाब म्हणजे आरोपीने अश्लील कृत्याचा व्हिडिओ काढून तो व्हायरल करण्याची धमकी देऊन पिडीतेकडून जवळपास ६० लाख रुपये उकळल्याचा प्रकार उघडकीस आला आहे. पिडीतेनेया प्रकरणी शुक्रवारी पश्चिम देवपूर पोलीस ठाण्यात फिर्याद दाखल केली आहे. पोलिसांनी या प्रकरणातील आरोपी मुख्याध्यापकाला बेड्या ठोकल्या आहेत. (Latest Crime News)
मिळालेल्या माहितीनुसार, सुकलाल रामभाऊ बोरसे (वय ५३ वर्ष, रा. विवेकानंदनगर, देवपूर) असे अटक करण्यात आलेल्या आरोपीचं नाव आहे.
पेढ्यातून तिला गुंगीचं औषध
पीडितेने दिलेल्या फिर्यादीनुसार, आरोपी सुकलाल बोरसे याने पीडितेला आर्थिक मदत केली. यातून दोघांमध्ये चांगली ओळख झाली. १७ ऑगस्ट २०२३ रोजी दुपारी साडेबारा वाजण्याच्या सुमारास ओळखीचा गैरफायदा घेत, सुकलाल बोरसे हा पिडीतेच्या घरी गेला. तिथं पेढ्यातून तिला गुंगीचं औषध दिलं. त्यानंतर त्याने महिलेवर अत्याचार केला. एवढ्यावरच न थांबता आरोपीनं या संपूर्ण घटनेचं चित्रीकरण केलं.
हेही वाचा: पुण्यातून थेट दहशतवाद्यांशी कनेक्शन! जुबेर हंगरगेकर कोणाशी बोलत होता? खळबळजनक माहिती आली समोर
त्यानंतर हे आक्षेपार्ह व्हिडिओ व्हायरल करण्याची धमकी देत पीडितेला ब्लॅकमेल केलं. महिलेकडून त्याने वेळोवेळी सुमारे ५९ लाख ९९ हजार ४०० रुपये उकळले. तसेच पिडीतेवर वारंवार अत्याचार केला.
अखेर आरोपीच्या त्रासाला कंटाळून पीडितेने पश्चिम देवपूर पोलीस ठाण्यात धाव घेत आरोपी मुख्याध्यापक बोरसे याच्याविरोधात तक्रार दाखल केली आहे. त्यानंतर पोलिसांनी आरोपी बोरसेला अटक केली आहे. पोलीस अधिक तपास करत आहेत.
हेही वाचा: इंदापूर तालुक्यातील पिंपरी बुद्रुक गावात शेताच्या पाण्याच्या वादातून दोघांना मारहाण….
