अकोला : अकोला जिल्ह्यातून एक भीषण अपघाताची घटना समोर येत आहे. अकोल्यात राष्ट्रीय महामार्गावर मध्यरात्रीच्या सुमारास ट्रक आणि चारचाकीचा भीषण अपघात झाला आहे. ही घटना अकोला जिल्ह्यातील माना येथे घडली आहे. या अपघातात चालक धीरज वैराळे (रा. मलकापूर जि. बुलढाणा) यांचा जागीच मृत्यू झाला आहे. तर अन्य चार जण गंभीर जखमी झाले आहेत.
मिळालेल्या अधिक महितीनुसार, चारचाकी वाहनात प्रवास करणारे चारजण मित्राच्या लग्नाला गुजरातवरून वरुडकडे जात असताना ही दुर्दैवी घटना घडली आहे. भरधाव वेगात असलेल्या चारचाकी वाहनानं ट्रकला जोरदार धडक दिल्याने हा अपघात घडला आहे.
या अपघातात वाहन चालक धीरज वैराळे (रा. मलकापूर जि. बुलढाणा) यांचा जागीच मृत्यू झाला असून यामधील अन्य चार जण गंभीर जखमी झाले आहेत. जखमींना मुर्तीजापुर येथील सामान्य उपजिल्हा रुग्णालयात दाखल करण्यात आले असून त्यांच्यावर उपचार सुरू आहेत.
