पुणे: रेल्वे प्रवाशांसाठी महत्त्वाची (Railway Ticket Rate) बातमी असून रेल्वे तिकीट दरात वाढ (Railway News) करण्याचा निर्णय घेण्यात आला आहे. 26 डिसेंबरपासून ही दरवाढ लागू होणार असल्याने रेल्वेने प्रवास करणं आता महाग होणार आहे. या निर्णयामुळे रेल्वेला सुमारे 600 कोटी रुपये अतिरिक्त उत्पन्न मिळेल, असा दावा अधिकाऱ्यांकडून करण्यात आला आहे. (Breaking News)
भारतीय रेल्वे कडून नॉन-एसीसह विविध प्रवासी श्रेणींमध्ये तिकीट दर वाढवण्यात आले आहेत. याचा थेट परिणाम सामान्य प्रवाशांवर होणार आहे. विशेषतः नॉन-एसी वर्गातून प्रवास करणाऱ्यांना अधिक पैसे मोजावे लागणार आहेत. नव्या दररचनेनुसार 500 किमीपर्यंतच्या नॉन-एसी प्रवासासाठी आता 10 रुपये अधिक शुल्क आकारले जाणार आहे.
रेल्वे प्रशासनाच्या म्हणण्यानुसार वाढती देखभाल खर्च, इंधन दर आणि सुविधा सुधारण्यासाठी हा निर्णय घेण्यात आला आहे. मात्र, या दरवाढीमुळे सर्वसामान्य प्रवाशांच्या खिशावर ताण पडणार असल्याची प्रतिक्रिया उमटत आहे. 26 डिसेंबरपासून लागू होणाऱ्या या वाढीमुळे आगामी सणासुदीच्या काळात प्रवास करणाऱ्यांचा खर्च वाढणार आहे.
