पुणे: महानगरपालिका निवडणुकांच्या (Ajit Pawar) पार्श्वभूमीवर राज्यातील राजकीय (Pune Mahanagarpalika Election) हालचालींना वेग आला आहे. उमेदवारांच्या मुलाखती, युती, जागावाटप आणि बैठका सुरू असून पुण्यातील राजकारण अधिक तापताना दिसत आहे. पुण्यात भाजप आणि शिवसेना शिंदे गट एकत्रितपणे निवडणूक लढवण्याच्या चर्चा सुरू असून त्यासाठी बैठका देखील होत आहेत. दुसरीकडे,अजित पवार यांच्या नेतृत्वाखालील राष्ट्रवादी काँग्रेस पुण्यात स्वबळावर निवडणूक लढवण्याच्या तयारीत असल्याचे स्पष्ट झाले आहे. (Pune Politics)
या पार्श्वभूमीवर अजित पवार यांच्या उपस्थितीत पुणे महानगरपालिकेच्या इच्छुक उमेदवारांच्या मुलाखती सुरू करण्यात आल्या आहेत. पुण्यातील सर्व 41 प्रभागांमधील इच्छुक उमेदवार या मुलाखतीसाठी उपस्थित आहेत. बारामती हॉस्टेल येथे या मुलाखती सुरू असून अजित पवार स्वतः वन टू वन पद्धतीने उमेदवारांशी संवाद साधत आहेत. यावेळी रूपाली चाकणकर आणि राष्ट्रवादीचे दोन्ही शहराध्यक्ष उपस्थित आहेत.
महापालिका निवडणुका जाहीर झाल्यानंतर पुण्यात भाजप, राष्ट्रवादी काँग्रेस आणि महाविकास आघाडी अशी तिरंगी लढत होणार असल्याचे चित्र स्पष्ट झाले आहे. भाजप आणि राष्ट्रवादी यांची युती होणार नसल्याचे मुख्यमंत्री स्पष्ट केल्यानंतर हा सामना अधिक रंगतदार ठरणार आहे. तर काँग्रेस, राष्ट्रवादी काँग्रेस शरद पवार गट आणि शिवसेना ठाकरे गट यांनी महाविकास आघाडी म्हणून एकत्र निवडणूक लढवण्याचा निर्णय घेतला आहे.
दरम्यान, शिवसेना शिंदे गटाकडून जागावाटपाबाबतही हालचाली सुरू आहेत. एकनाथ शिंदे यांच्याकडे 165 जागांसाठी मागणी करणार असल्याचे रवींद्र धंगेकर यांनी सांगितले आहे. भाजपकडून पुण्यात 125 जागा निवडून येतील असा दावा केला जात असून शिवसेनेला 35 ते 40 जागा मिळण्याची चर्चा आहे. मात्र धंगेकर 165 जागांवर ठाम असल्याचे दिसत आहे.
एकूणच पुणे महानगरपालिका निवडणुकीत युती, आघाड्या आणि स्वबळाची रणनीती यामुळे तिरंगी आणि अत्यंत चुरशीची लढत पाहायला मिळणार आहे.
