सुरेश घाडगे
Paranda News : परंडा : धाराशिव जिल्ह्यातील अनेक शेतकऱ्यांचा ऊस सोलापूर जिल्ह्यातील इंद्रेश्वर शुगर ( उपळाई ठों ता. बार्शी ) व विठ्ठल शुगर कमलाभवानी , पांडे ता . करमाळा ) या कारखान्याला गत हंगामात गाळपास ऊस गेलेले आहेत . परंतु गेल्या आठ महिन्यापासून अनेक शेतकर्यांची ऊस बिलं अद्यापही काढलेले नाहीत. (Sugar mills to pay farmers’ outstanding bills; MNS statement to sugar commissioner)
अन्यथा गुन्हे दाखल करावे लागतील
मनसे धाराशिव जिल्हाध्यक्ष आबासाहेब ढवळे यांनी साखर आयुक्त डॉ .चंद्रकांत पूलकुंडवार यांची पुणे येथील कार्यालयात ( दि. ७ ) भेट घेऊन शेतकर्यांच्या व्यथा मांडून उसाचे बिल लवकरात लवकर शेतकर्यांना आदा करण्यासाठी संबंधीत कारखन्यांना आदेशीत करावे , अशी मागणी निवेदनाद्वारे केली. (Paranda News)
साखर आयुक्तानी लगेचच संबंधीत कारखानदार यांना फोन करून तात्काळ शेतकर्यांची बीलं अदा करावीत अन्यथा गुन्हे दाखल करावे लागतील ,असे सुनावले. (Paranda News) यावेळी मनसेचे विधी सेवा राज्य उपाध्यक्ष अॅड. नंदकिशोर खरसडे, वाहतूक सेना अध्यक्ष रमेश नाईकनवरे , स्वप्निल इंगवले उपस्थित होते .
अधिक बातम्या वाचण्यासाठी येथे क्लिक करा :
Paranda News : परंडा बाजार समितीच्या सभापतीपदी महाविकास आघाडीचे जैन तर उपसभापतीपदी पवार
