अहमदनगर : गोवंशीय जनावरांना डांबून ठेवत त्यांची कत्तल केल्याप्रकरणी सहा जणांना ताब्यात घेत त्यांच्यावर गुन्हा दाखल करण्यात आला आहे. वेगवेगळ्या ठिकाणी केलेल्या कारवाईत एकूण ५ लाख ६० रुपये किमतीचा मुद्देमाल जप्त करण्यात आला आहे. याप्रकरणी फैसल अस्लम शेख (वय १९) राशीद इलीयास कुरेशी (वय २२) औवेस राशीद शेख (वय २४) रहेमुद्दीन महेबुब करेशी (वय २६), मुसाविर युनुस कुरेशी (वय २१), मोहमीद नजिर एहमद कुरेशी (वय २३) सर्व राहणार अहमदनगर यांच्यावर गुन्हा दाखल करण्यात आला आहे.
कोतवाली पोलीस ठाण्याचे पोलीस निरीक्षक चंद्रशेखर यादव यांना शहरातील झेंडीगेट परिसरात काही गोवंशीय जनावरांना डांबुन ठेवुन त्यांची कत्तल केली जात असल्याची माहिती मिळाली. या प्रकरणाची माहिती मिळताच यादव यांनी गुन्हे शोध पथकाच्या कर्मचाऱ्यांना खात्री करुन छापा टाकून कारवाई करण्याचे आदेश दिले.
पथकाने तात्काळ कारी मस्जिदजवळ शोध घेतला असता एका बंद खोलीत गोवंशीय जनावरांची कत्तल केलेले तब्बल २००० किलो गोमांस आढळून आले. तसेच त्याचं परीसरात शाळा क्रं ४ जवळ मागील बाजुस एकुण ८ गोवंशीय जणावरे आढळून आली. असा एकुण ५ लाख ६० हजार किमतीचा मुद्देमाल जप्त करण्यात आला असून आरोपीवर भा.द.वि.कलम २६९ महाराष्ट्र प्राणी रक्षा अधिनियम सन १९९५ चे सुधारीत सन २०१५ चे कलम ५ (क) ९ (अ) सह प्राणी क्लेष प्रतिबंध अधिनियम सन १९६० चे कलम ११ प्रमाणे गुन्हा दाखल करण्यात आला आहे.
ही कारवाई पोलीस अधिक्षक राकेश ओला, अपर पोलीस अधिक्षक प्रशांत खैरे, उपविभागीय पोलीस अधिकारी अनिल कातकाडे, यांचे मार्गदर्शनाखाली पोलिस निरीक्षक चंद्रशेखर यादव, तनवीर शेख, गणेश धोत्रे, योगेश भिंगारदिवे, संदिप थोरात, सोमनाथ राऊत, अमोल गाढे, इनामदार, सुजय हिवाळे, सलिम शेख, अतुल काजळे, अभय कदम यांच्या पथकाने केली आहे.
