चांदवड : चांदवड-लासलगाव चौफुलीजवळील खंडेराव मंदिराकडे जाणाऱ्या रस्त्यालगत शिवमल्हार पानटपरीवर पोलिसांनी छापा टाकत गुटखा जप्त केला. गुरुवारी १६ नोव्हेंबर रोजी सकाळी अकरा वाजेच्या सुमारास पोलिस अधीक्षक कार्यालयातील विशेष पथकातील मनोजकुमार रमेश सोनजे यांनी शिवमल्हार पानटपरीवर छापा टाकून ३३७८ रुपये किमतीचा सुंगधित पानमसाला जप्त केला. दुकान मालकाविरोधात गुन्हा दाखल केला असून चांदवड पोलिस स्टेशनचे पोलिस नाईक बगल हे अधिक तपास करीत आहेत.
