Dhule Crime News धुळे : जिल्हा पोलीसांनी थर्टी फर्स्टच्या मोक्यावर मोठी कारवाई केली आहे. यात गावठी पिस्तूल, जिवंत काडतुसे, गुटखा असा सुमारे एकूण 12 लाख 54 हजार 235 रुपयांचा मुद्देमाल हस्तगत करण्यात आला आहे. धुळे पोलिसांकडून एकाच दिवशी अनेक कारवाया करण्यात आल्या आहेत.
पोलिसांनी सोनगीर पोलीस स्टेशनच्या हद्दीत दोन लाख 24 हजार 640 रुपये किमतीचा गुटखा, आणि आठ लाख रुपये किमतीचे आयशर वाहन असा सुमारे दहा लाख 24 हजार 640 रुपये किमतीचा मुद्देमाल हस्तगत केला आहे. एकाच दिवसात पोलिसांनी तब्बल 328 कायदेशीर कारवाया करून बारा लाख 54 हजार 235 रुपये किमतीची दंड रक्कम आणि मुद्देमाल हस्तगत केला आहे.
धुळे जिल्हा पोलीस प्रशासनाने विविध ठिकाणी 31 डिसेंबरच्या पार्श्वभूमीवर तब्बल 328 कायदेशीर कारवाया केल्या. यात ड्रिंक अँड ड्राईव्हच्या 91 केसेस, मोटार वाहन कायद्यान्वये 117 केसेस दाखल झाल्या आहेत. या सोबतच शिरपूर शहर पोलिसांनी दोन गावठी पिस्टल पाच जिवंत काडतुस असा सुमारे 75 हजार रुपये किमतीचा मुद्देमाल जप्त केला आहे.
दारूबंदी कायद्यान्वये तब्बल 99 केसेस पोलिसांनी दाखल केले असून यात एक लाख 61 हजार 325 रुपयांचा मुद्देमाल हस्तगत केला आहे. तसेच जुगार कायद्यान्वये 19 केसेस दाखल करण्यात आल्या असून सुमारे अकरा हजार 70 रुपये किमतीचा मुद्देमाल जप्त केला आहे.
एलसीबीने याआधीही जप्त केला गुटखा
मुंबई-आग्रा महामार्गावरून होणारी गुटख्याची तस्करी रोखत नगावबारी परिसरात स्थानिक गुन्हे शाखेच्या पथकाने सव्वादोन लाखांचा गुटखा व पाच लाखाचा ट्रक असा मुद्देमाल काही दिवसांपूर्वीच जप्त केला आहे. याप्रकरणी ट्रक चालकाला ताब्यात घेण्यात आले असून त्याच्याविरोधात गुन्हा दाखल झाला आहे.
