Sambhajinagar Politics : छत्रपती संभाजीनगर, ता. 25 : छत्रपती संभाजीनगरमध्ये सत्तासमीकरण बदलण्याची चिन्हे स्पष्ट दिसू लागली आहेत. भाजप (BJP) आणि शिंदे गट (Shinde) एकमेकांचे नेते किंवा पदाधिकारी न फोडण्याबाबत सहमती झाल्याची चर्चा सुरु असतानाच एक मोठी राजकीय उलथापालथ उघड झाली आहे. दरम्यान शिंदे गटातील उमेदवार भाजप पक्षात प्रवेश करत आहे. ( Local Body Election)
स्थानिक राजकारणात महत्त्वाची मानली जाणारी फुलंब्री नगरपंचायत निवडणुकीच्या पार्श्वभूमीवर शिंदेसेनेचे नगराध्यक्षपदाचे उमेदवार आनंद ढोके यांनी अचानक भाजपात प्रवेश केला आहे. त्यामुळे एकनाथ शिंदेनी नाराजी व्यक्त केली आहे.
आनंद ढोके यांनी काही दिवसांपूर्वी शिवसेना-शिंदे गटाकडून उमेदवारी अर्ज दाखल केला होता. मात्र, त्यांनी अचानक भूमिका बदलत उमेदवारी अर्ज मागे घेतला आणि भाजप पक्षात प्रवेश केला. या निर्णयामुळे शिंदे गटात मोठ्या प्रमाणात खळबळ उडाली आहे. आनंद ढोकेंनी घेतलेल्या निर्णयानंतर शिंदे गटाने भाजपवर युती धर्म भंग केल्याचा आरोप करत जोरदार टीका केली आहे
एकीकडे भाजप पक्षाने ढोके यांचे मन:पुर्वक स्वागत केले तर दुसरीकडे शिंदे गटातील नेत्यांनी त्यांच्यावर पक्षशिस्त मोडल्याचा आरोप केला. निवडणूकीच्या पार्श्वभूमीवर अनेक नेते पक्षांतर करताना दिसत आहे. आगामी निवडणूकीसाठी फुलंब्रीत जोरदार प्रचार मोहिम सुरु आहे. दरम्यान आनंद ढोके यांनी घेतलेल्या निर्णयामुळे शिंदे गटातील नेत्यांनी आनंद ढोकेंवर टीका केली.
हेही वाचा- मोठी बातमी..! आनंद गर्जेच्या वकिलांचा विवाह बाह्य संबंधाबाबत कोर्टात धक्कादायक दावा; म्हणाले…
