Anant Garje : भाजपच्या नेत्या आणि मंत्री पंकजा मुंडे यांचे स्वीय सहाय्यक (PA)असलेल्या अनंत गर्जेच्या पत्नी, डॉ. गौरी पालवे-गर्जेने आत्महत्या केल्यानं सध्या सगळीकडे मोठी खळबळ उडाली आहे. अवघ्या १० महिन्यांपूर्वीच मोठ्या थाटामाटात लग्न होऊन गौरी नव्या संसाराची स्वप्नं घेऊन सासरी आली होती. पण वर्षभराच्या आतच गौरीला मृत्यूला कवटाळावं लागलं. गौरी ने त्यांच्या राहत्या घरी शनिवारी संध्याकाळी गळफास घेतल्याचं समोर आलं. या सगळ्या दुर्दैवी घटनेचं मूळ होतं, गौरीचे पती अनंत गर्जे. अनंत गर्जे याच्या बाबतील एक धक्कादायक खुलासा समोर आला आहे. Anant Garje
अनंत गर्जेचे अनैतिक संबंध
अनंत गर्जेचे किरण इंगळे नावाच्या महिलेशी असलेले अनैतिक संबंध होते. अशी माहिती समोर आली आहे. गौरीला घर बदलताना याबाबत माहिती मिळाली होती, तेव्हा तिने नवऱ्याला जाब विचारला. पण, पतीने उलट ‘तुला जे करायचं ते कर, मी कोणाला घाबरत नाही. जर तू कोणाला सांगितलंस तर तुझं नाव चिठ्ठीत लिहून मीच आत्महत्या करेन’ अशी धमकी दिल्याचं कळतंय. Anant Garje
या प्रकरणात अनंत गर्जे यांना अटक झाली असून, त्यांचे वकील मंगेश देशमुख यांनी मात्र कोर्टात एक धक्कादायक दावा केला आहे. ते म्हणाले की, माध्यमांमध्ये जे पसरवलं जात आहे तसं काही नाही, कारण हे संबंध २०२०-२१ सालचे जुने होते आणि याबद्दल गौरीच्या घरच्यांना लग्नाआधीच पूर्ण माहिती होती. सगळ्यांच्या संमतीनेच दोघांनी लग्न केलं होतं. अनंत गर्जे स्वतः रात्री साडेबारा वाजता पोलिसांसमोर हजर झाले असून, त्यांना कोर्टाने १० दिवसांऐवजी ४ दिवसांची कोठडी दिली आहे. वकील म्हणाले की, तपास यंत्रणा निश्चितपणे तपास करतील आणि सत्य काय आहे ते समोर येईल. त्यांनी तपास यंत्रणांना अनंत गर्जे Anant Garje यांचा मोबाईल आणि घरांच्या चाव्याही सोपवल्या आहेत. यासोबतच, नणंदेवर (अनंतच्या बहिणीवर) झालेल्या आरोपांवर बोलताना वकील म्हणाले की, दीर आणि नणंद दोघेही सरकारी नोकरीत आहेत आणि ते भाडेतत्त्वावर राहत असलेल्या घरी बहिण कधीच आली नाही. या संपूर्ण घटनेमुळे एका उच्चशिक्षित डॉक्टरच्या संसाराचा असा अचानक झालेला अंत ही सध्या महाराष्ट्रात मोठी चर्चेची आणि हळहळ व्यक्त करण्याची गोष्ट ठरली आहे.
