जालना : जालन्याच्याजवळ असणाऱ्या सिंदखेड राजा चौकात भीषण अपघात झाल्याची घटना समोर येत आहे. सायकल स्वराला वाचवण्याच्या प्रयत्नात सिंदखेड राजाहून नाशिकला जाणाऱ्या बसचा अपघात झाला आहे. या अपघातात 17 जण जखमी झाले असून यामध्ये वृद्धांसह महिला आणि लहान मुलांचाही समावेश आहे. या अपघातात कुठलीही जीवित हानी झाली नसून जखमींवर जालन्यातील जिल्हा रुग्णालयात उपचार सुरू आहेत.
बसची ट्रकला धडक..
बसच्या समोर येणाऱ्या सायकलस्वाराला वाचवण्याच्या प्रयत्नात बसचालकाने अचानक ब्रेक दाबल्याने बस उलटी फिरून मागे असलेल्या ट्रकला बस आदळली. या धडकेमुळे बसच्या समोरील भागाचा अगदी चुराडा झाला असून खिडकीच्या काचाही फुटल्या आहेत. या अपघातात बसमधील 17 प्रवासी जखमी झाले असल्याची माहिती मिळत आहे. जखमींमध्ये वृद्धांसह महिला व लहान मुलांचाही समावेश आहे. अपघातानंतर परिसरात एकच खळबळ उडाली होती. सिंदखेड राजा चौकात झालेल्या अपघातानंतर बसमधील प्रवाशांना तातडीने रुग्णालयात उपचारासाठी नेण्यात आले.
सिंदखेडराजाहून नाशिकला जात होती बस..
जालन्यापासून जवळच असणाऱ्या सिंदखेडराजाहून नाशिकला जाणाऱ्या बससमोर सायकलचालक येत असल्याचे दिसताच बसचालकाने त्यास वाचवण्यासाठी जोरात ब्रेक दाबला. या वहनक ब्रेक दाबल्यामुळे बस उलटी फिरत मागे असणाऱ्या ट्रकला आदळली. या अपघातीमुळे हादरा बसल्याने १७ जण जखमी झाले असून त्यांना जालन्यात जिल्हा रुग्णालयात उपचारासाठी दाखल करण्यात आले आहे.
