पुणे : भारतीय क्रिकेट संघ वेस्ट इंडिजविरुद्धच्या टी-20 मालिकेनंतर न्यूझीलंडच्या दौऱ्यावर जाणार असून, तिथे तिन्ही फॉरमॅटमध्ये मालिका रंगणार आहेत. मात्र, या महत्त्वाच्या दौऱ्यापूर्वीच भारतीय संघाच्या अडचणी वाढल्या आहेत. भारताचा प्रमुख वेगवान गोलंदाज प्रसिद्ध कृष्णा डाव्या हॅमस्ट्रिंगच्या दुखापतीमुळे किमान तीन आठवड्यांसाठी मैदानाबाहेर गेला आहे. त्यामुळे 4 नोव्हेंबरपासून सुरु होणाऱ्या 5 सामन्यांच्या एकदिवसीय मालिकेत तो खेळण्याची शक्यता अत्यंत कमी आहे.
गुवाहाटी येथे वेस्ट इंडिजविरुद्ध झालेल्या दुसऱ्या एकदिवसीय सामन्यादरम्यान गोलंदाजी करताना प्रसिद्ध कृष्णाला ही दुखापत झाली. सामन्यात अवघी 5 षटके टाकल्यानंतर 31 व्या षटप्रसिद्ध कृष्णाच्या दुखापतीमुळे न्यूझीलंड दौऱ्यापूर्वी भारतीय संघाची चिंता वाढलीन्यूझीलंडविरुद्धच्या आगामी मालिकेपूर्वी भारतीय क्रिकेट संघाला मोठा धक्का बसला आहे.
सध्या तो बंगळुरू येथील बीसीसीआयच्या ‘सेंटर ऑफ एक्सलन्स’मध्ये वैद्यकीय देखरेख आणि पुनर्वसनासाठी दाखल झाला आहे.डॉक्टरांच्या मते, या दुखापतीतून पूर्णपणे सावरण्यासाठी त्याला 3 आठवड्यांचा काळ लागेल. त्यानंतर चौथ्या आठवड्यापासून तो पुन्हा गोलंदाजीचा सराव सुरू करू शकेल. खेळाडूच्या आरोग्याचा विचार करता संघ व्यवस्थापन कोणतीही घाई करण्याच्या तयारीत नाही. यामुळेच 12 ऑक्टोबरपासून सुरू होणाऱ्या रणजी ट्रॉफीच्या पहिल्या फेरीतही तो कर्नाटक संघाकडून खेळू शकणार नाही.
भारतीय संघ व्यवस्थापनाचे मुख्य लक्ष 19 नोव्हेंबरपासून सुरू होणाऱ्या न्यूझीलंडविरुद्धच्या 2 सामन्यांच्या कसोटी मालिकेवर आहे. कसोटी सामन्यांसाठी तो पूर्णपणे तंदुरुस्त व्हावा, या उद्देशानेच त्याला एकदिवसीय मालिकेत विश्रांती दिली जाण्याची शक्यता आहे.
दरम्यान, या दौऱ्यासाठीच्या भारतीय संघाची घोषणा या आठवड्यात होण्याची शक्यता आहे. 5 ते 21 ऑक्टोबर दरम्यान निवड समितीची महत्त्वाची बैठक होणार आहे. विशेष म्हणजे, मुख्य निवडकर्ता अजित आगरकर यांचा कार्यकाळ देखील 4ऑक्टोबरला संपला असून बीसीसीआयने अद्याप नवीन मुख्य निवडकर्त्याची घोषणा केलेली नाही.
