Latur News : लातूर : लातूरमधून एक धक्कादायक घटना समोर आली आहे. बंदूक साफ करताना गोळी लागून माजी सैनिकाचा मृत्यू झाल्याची दुर्दैवी घटना लातूरमध्ये घडली आहे. या घटनेमुळे लातूर शहरात खळबळ उडाली आहे.
विशालनगर भागातील घटना
याबाबत मिळालेल्या अधिक माहितीनुसार, या घटनेत मृत्युमुखी पडलेल्या माजी सैनिकाचे नाव सुशील कावळे असे आहे. कावळे हे त्यांच्या घरात बंदूक साफ करत होते, याचवेळी ही घटना घडली. (Latur News ) लातूर शहरातील विशालनगर भागात कावळे यांचे घर आहे. सकाळी अकरा वाजता कावळे हे त्यांच्या रूममध्ये बंदूक साफ करत होते, याच दरम्यान मोठा आवाज झाला. घरातील अन्य सदस्यांनी आवाजाच्या दिशेने धाव घेतली तर कावळे यांना गोळी लागल्याचे दिसले. घरातील सदस्यांनी पाहिले तेव्हा त्यांची पिस्तूल बाजूला पडलेली दिसत होती.
दरम्यान, घटनेची माहिती मिळताच एमआयडीसी पोलिसांनी घटनास्थळी धाव घेतली. पोलिसांनी कावळे यांचा मृतदेह उत्तरीय तपासणीसाठी रुग्णालयात पाठवला आहे. (Latur News ) बंदूक साफ करताना कावळे यांना गोळी लागली असावी, असा प्राथमिक अंदाज पोलिसांनी व्यक्त केला आहे. मात्र, त्यांनी स्वतःहून गोळी झाडून आत्महत्या केली आहे का, की काही घातपात आहे, अशा सर्व शक्यता पोलीस तपासून पाहत आहेत.
अधिक बातम्या वाचण्यासाठी येथे क्लिक करा :
Pune News : आर.एस.एस.चे माजी प्रभारी मदनदास देवी यांचे निधन; पंतप्रधान मोदी यांच्याकडून शोक व्यक्त!
Pune News : पुणे-मुंबई द्रुतगती मार्गावर दुपारी दोन तासांचा ब्लॉक; वाहतुकीत होणार हे बदल!
