ऐरोली : ऐरोली नॉलेज पार्क परिसरात असणाऱ्या मोकळ्या भूखंडावर बिनधास्तपणे डेब्रिजच्या गाड्या खाली करण्यात येत असल्याचे निदर्शनास येत आहे. त्यामुळे डेब्रिज पथक आहे तरी कुठे, असा प्रश्न पडत आहे. दिघा, ऐरोली या परिसरात घरांचे दुमजली बांधकाम करण्यात आल्यानंतर उरणारा राडारोडा कुठे नेऊन टाकायचा हा प्रश्न ठेकेदारांसमोर असतो. म्हणून ठेकेदार हे शहरातील मिळेल त्या ठिकाणी डेब्रिज टाकतात. ऐरोली येथील ग्रीन वर्ल्ड इमारतीच्या मागे एमआयडीसीच्या पूर्वी वाहनतळाच्या असणाऱ्या जागेवर डेब्रिज टाकण्यात येत होते. पण आता वाहनतळाचा असणारा भूखंड हा उद्योजकांना विकण्यात आला आहे.
