Kolhapur News : कोल्हापूर : राज्यात मुसळधार पावसाने कहर केला आहे. ग्रामीण भागांमध्ये अनेक ठिकाणी दरडी कोसळत आहेत. घरांमध्ये पाणी शिरल्याने पाण्यातून वाट काढत सुरक्षित ठिकाणी जावे लागत आहे. पूल खचून रस्ते वाहून जाण्याच्या घटना देखील घडत आहेत. अनेक ठिकाणी रस्त्याला भेगा पडल्याने गावांचा संपर्क तुटला आहे. पावसामुळे अनेक ठिकाणी दुर्घटना घडत आहेत. कोल्हापूर जिल्ह्यातील आजरा तालुक्यातील किणे गावात मुसळधार पावसाने एक मोठी दुर्घटना घडल्याचे समोर येत आहे.
आजरा तालुक्यातील दुर्घटना
राब राब राबून, गाठिशी जमवलेले पै पै रुपये खर्च करून जे घर उभं केलं, भिंती सजवल्या त्याच घराने महिलेचा जीव घेतल्याची धक्कादायक घटना घडली आहे. (Kolhapur News) या घटनेमुळे परिसरात हळहळ व्यक्त केली जात आहे. राहत्या घराची भिंत कोसळून महिलेचा मृत्यू झाल्याची माहिती मिळाली आहे. या दुर्देवी घटनेनंतर गावात शोककळा पसरली आहे. गुडूळकर कुटुंबावर दु:खाचा डोंगर कोसळला आहे.
याबाबत मिळालेल्या अधिक माहितीनुसार, संसतधार पावसामुळे राहत्या घराची भिंत कोसळून सुनीता अर्जुन गुडूळकर या महिला गंभीर जखमी झाल्या. अधिक उपचारासाठी त्यांना तातडीने बाहेर काढून रूग्णालयात नेण्यात आले. मात्र, उपचारासाठी दाखल करण्यासाठी नेत असताना वाटेतच त्यांचा दुर्दैवी मृत्यू झाला. (Kolhapur News) ही घटना गुरुवारी सकाळी सात वाजण्याच्या सुमारास घडली आहे. या दुर्घटनेत त्यांच्यासोबत वत्सला परसु गुडुळकर देखील जखमी झाल्या आहेत. सुनीता या गोठ्यामध्ये गेल्या असताना अचानकपणे मातीची भिंत कोसळल्याची माहिती मिळत आहे.
ही भिंत चिऱ्याच्या भिंतीवर कोसळून चिऱ्याची भिंत देखील कोसळली. चिऱ्याखाली सुनीता या दबल्या गेल्या. त्यांना उपचारासाठी नेसरी इथे घेऊन जात असताना त्यांचा मृत्यू झाला. या दुर्घटनेत पती अर्जुन गुडूळकर आणि वत्सला परसु गुडुळकर हे देखील जखमी झाले आहेत.
अधिक बातम्या वाचण्यासाठी येथे क्लिक करा :
Kolhapur News : छत्रपती शिवरायांनी तुळजाभवानीला दिलेले दागिने गहाळ; संभाजीराजेंचा आंदोलनाचा इशारा!
