Bollywood News : मुंबई : बॉलिवूडमधून धक्कादायक बातमी समोर आली आहे. प्रसिद्ध अभिनेता, मॉडेल व कास्टिंग दिग्दर्शक आदित्य सिंह राजपूतचं निधन झालं आहे. सोमवारी(२२ मे) दुपारी मुंबईतील अंधेरी येथील राहत्या घरात त्याचा मृतदेह आढळून आला आहे. 32 वर्षीय आदित्यच्या मृत्यूमागचं नेमकं कारण अद्याप समोर आलेलं नाही. या घटनेनंतर बॉलिवूडमध्ये एकच खळबळ उडाली आहे. (Bollywood shook! Famous actor Aditya Singh Rajput passed away; Body found in bathroom)
ड्रग्जचे अतिसेवन केल्यामुळे मृत्यू झाल्याचा संशय व्यक्त केला जात आहे.
मिळालेल्या माहितीनुसार, अभिनेता अंधेरीतील एका इमारतीत ११ व्या मजल्यावर राहत होता. काही मित्रांना घरातील बाथरुममध्ये त्याचा मृतदेह आढळला. ड्रग्जचे अतिसेवन केल्यामुळे मृत्यू झाल्याचा संशय व्यक्त केला जात आहे. (Bollywood News) आदित्यच्या मित्रांनी वॉचमॅनच्या मदतीने त्याला लगेचच आनन-फानन रुग्णालयात दाखल केलं होतं. परंतु, डॉक्टरांनी त्याला मृत घोषित केलं. त्याचा मृतदेह शवविच्छेनसाठी पाठविण्यात आला आहे.
आदित्यच्या मृत्यूनंतर बॉलिवूडला मोठा झटका बसला आहे. आदित्यचा जन्म दिल्लीत झाला. तो मुळचा उत्तराखंडचा होता. 17 वर्षांचा असल्यापासून या क्षेत्रात पदापर्ण केले. (Bollywood News) आदित्यला स्प्लिट्सविला या शोमधून प्रसिद्धी मिळाली. त्यानंतर त्यानं कास्टिंग डायरेक्टर म्हणून इंडस्ट्रीत नाव कमावलं. आदित्यने मॉडेलिंगपासून मनोरंजनविश्वातील करिअरला सुरुवात केली होती. त्याने अनेक मालिका व चित्रपटांतही काम केलं आहे. ‘क्रांतिवीर’, ‘मैने गांधी को नही मारा’ या चित्रपटात तो झळकला होता. याशिवाय एमटीव्हीवरील ‘स्प्लिट्सविला’ या रिएलिटी शोमध्येही आदित्य सहभागी झाला होता. त्याने ३००हून अधिक जाहिरातीत काम केलं आहे.
‘गंदी बात’ या वेब सीरिजमध्येही आदित्यने काम केलं आहे. त्याने पॉप कल्चर हा ब्रँड सुरू केला होता. या ब्रँडद्वारे त्याने अनेक नवीन चेहऱ्यांना संधी देत कलाकरांना लॉन्च केलं होतं. (Bollywood News) अभिनेत्याच्या अशा अचानक जाण्याने मनोरंजन विश्व शोकसागरात बुडाले आहे.
अधिक बातम्या वाचण्यासाठी येथे क्लिक करा :
Satish Kaushik Death : दिग्दर्शक सतीश कौशिक यांच्या मृत्यूचे कारण आले समोर…!
Mumbai News | ज्‍येष्‍ठ अभिनेते समीर खाखर यांचे निधन…!
