हडपसर : प्रत्येक लहान मुलामध्ये एक सुप्त गुण लपलेला असतो. जो त्याला जगात इतरांपेक्षा आपली वेगळी ओळख निर्माण करण्यासाठी प्रेरक ठरतो. हडपसर येथील अडीच वर्षाच्या चिमुकलीने बासष्ठ सेकंद फुल स्प्लीट होल्ड करून विश्वविक्रम प्रस्थापित केला आहे. सायरा राहुल तुरिले असे या चिमुकलीचे नाव आहे.
सायराची इंटरनॅशनल बुक ऑफ वर्ल्ड रेकॉर्डमध्ये नोंद झाली असून हा विक्रम करणारी ती एकमेव लहान मुलगी ठरली आहे. विश्वविक्रमाचे ध्येय डोळ्यासमोर ठेऊन तिने सराव केला. सायराचे वडील राहुल तुरिले हे हॉटेल व्यवसायिक असून उत्तम क्रिकेट खेळाडू आहेत. त्यामुळे सायराला नृत्याबरोबर खेळाची व शारीरीक कसरतीची देखील आवड निर्माण झाली.
तिच्या यशामध्ये तिचे आई वडीलांनी तिला खंबीर साथ दिली. यामुळे तिला हे यश प्राप्त करता आले. सध्या तिचा सत्कार करून अनेकांनी दिला कौतुकाची थाप दिली आहे.
