पुणे : आजपासून सुपर १२ च्या टप्प्यातील मॅचेस सुरु होणार आहे. सिडनीच्या मैदानावर ऑस्ट्रेलिया न्यूझीलंड यांच्यात पहिला सामना होणार आहे. या मॅचमध्ये कोण बाजी मारणार याकडे सगळ्यांचे लक्ष लागले आहे.
ऑस्ट्रेलिया न्यूझीलंड यांच्यामध्ये आज सलामीची लढत रंगणार असून या लढतीवर ९० टक्के पावसाचे सावट आहे. ऑस्ट्रेलियातील ला निना हवामानामुळे टी-२० विश्वकरंडकातील लढतींवर परिणाम होण्याची शक्यता निर्माण झाली आहे. मात्र सिडनी क्रिकेट ग्राऊंडमध्ये पाण्याचा निचरा होण्याची सुविधा असल्याने पावसाने विश्रांती घेतल्यास कमीत कमी षटकांची लढत होऊ शकते. सुपर १२ फेरीत आज इंग्लंड अफगाणिस्तान यांच्यामध्येही लढत होणार आहे.
कागदावर या लढतीत इंग्लंडचे पारडे जड वाटत असले, तरी टी-२० प्रकारात काहीही घडू शकते. श्रीलंका पहिल्या फेरीत धक्का बसला असून वेस्ट इंडिजवर स्पर्धेबाहेर होण्याची नामुष्की ओढवली आहे ऑस्ट्रेलिया न्यूझीलंड यांच्यातील मॅच सीडनी येथील एमसीजी मैदानावर खेळवला जाणार आहे. दुपारी साडेबारा वाजता मॅचला सुरुवात होईल. स्टार स्पोटर्स नेटवर्क वरती हा सामना पाहायला मिळणार आहे.
आजच्या लढती
ऑस्ट्रेलिया न्यूझीलंड – दुपारी १२.३० वाजता, सिडनी
इंग्लंड अफगाणिस्तान – संध्याकाळी ४.३० वाजता, पर्थ
ऑस्ट्रेलियन टीम :
अॅरॉन फिंच (कर्णधार), मॅथ्यू वेड, डेव्हिड वॉर्नर, मार्कस स्टॉइनिस, अॅश्टन अगर, पॅट कमिन्स, टिम डेव्हिड, जोश हेझलवूड, जोश इंग्लिस, मिचेल मार्श, ग्लेन मॅक्सवेल, केन रिचर्डसन, स्टीव्ह स्मिथ, मिचेल स्टार्क, अॅडम झम्पा .
न्यूझीलंड टीम :
केन विल्यमसन (कर्णधार), टिम साऊदी, ईश सोधी, मिचेल सँटनर, ग्लेन फिलिप्स, जिमी नीशम, डॅरिल मिशेल, अॅडम मिल्ने, मार्टिन गुप्टिल, लॉकी फर्ग्युसन, डेव्हन कॉनवे, मार्क चॅपमन, मायकेल ब्रेसवेल, ट्रेंट बोल्ट, फिन एलेन .
