पुणे – देश उद्या स्वातंत्र्याचा अमृतमहोत्सव साजरा करीत असताना टीम इंडियाच्या एका खेळाडूची पत्नी सध्या चर्चत आहे. तिने चक्क पंतप्रधान नरेंद्र मोदी, गृहमंत्री अमित शहा यांना पत्र लिहिलं आहे. तिने याबाबतचा एक व्हिडिओ इंस्टाग्रामवर शेअर केला आहे. हा व्हिडिओ सध्या व्हायरल होत आहे.
टीम इंडियाचा वेगवान गोलंदाज मोहम्मद शमी सध्या क्रिकेटमधून विश्रांतीवर आहे. भारतीय संघाला आशिया चषक खेळायचा आहे आणि टी-20 फॉरमॅटमध्ये होणाऱ्या या स्पर्धेत मोहम्मद शमीला स्थान मिळालेले नाही. मोहम्मद शमीची पत्नी हसीन जहाँबद्दल बोलायचे झाले तर ती खूप चर्चेत असते. आता पुन्हा एकदा तिची चर्चा होत आहे.
हसीन जहाँने तिच्या इंस्टाग्रामवर एक व्हिडिओ शेअर केला आहे, ज्याद्वारे तिने पंतप्रधान नरेंद्र मोदी आणि केंद्रीय गृहमंत्री अमित शहा यांना खास आवाहन केले आहे. हे आवाहन देशाचे नाव बदलण्याबाबत आहे. मोहम्मद शमीची पत्नी हसीन जहाँने इंस्टाग्राम पोस्टमध्ये लिहिले की, आमचा देश, आमचा आदर. माझे भारतावर प्रेम आहे आपल्या देशाचे नाव फक्त हिंदुस्थान किंवा भारत असावे.
माननीय पंतप्रधान, माननीय गृहमंत्री यांना विनंती आहे की भारताचे नाव बदला, जेणेकरून संपूर्ण जग आपल्या देशाला भारत किंवा हिंदुस्थान म्हणू शकेल, असे तिनं म्हटलं आहे.
