IND vs AUS: गुवाहाटी: ऋतुराज गायकवाडने शानदार शतक झळकावून बारसापारा क्रिकेट स्टेडियमवर चांगलाच उत्साह निर्माण केला आहे. गायकवाडने 57 चेंडूत 13 चौकार आणि 7 षटकारांच्या मदतीने नाबाद 123 धावा केल्या. भारतीय संघाने 20 षटकांत 3 गडी गमावून एकूण 222 धावा केल्या. ऑस्ट्रेलियन गोलंदाज पूर्णपणे असहाय्य दिसत होते.
या सामन्यात ऑस्ट्रेलियाने नाणेफेक जिंकून प्रथम गोलंदाजी करण्याचा निर्णय घेतला. जो सुरुवातीला योग्य वाटत होता, तेव्हा भारतीय संघाने 2.3 षटकात 24 धावा असताना 2 विकेट गमावल्या होत्या. मात्र यानंतर ऋतुराज गायकवाडने शानदार खेळी करत भारताला 222 धावांपर्यंत नेले. कर्णधार सूर्यकुमार यादवनेही गायकवाडला 10.2 षटकांपर्यंत चांगली साथ दिली. सूर्यकुमार यादव बाद झाल्यानंतर गायकवाड आणि टिळक वर्मा यांनी चौथ्या विकेटसाठी नाबाद 141* धावांची भागीदारी केली.
भारताने लवकर विकेट गमावल्या
प्रथम फलंदाजी करण्यासाठी आलेल्या भारतीय संघाने अवघ्या 24 धावांवर 2 विकेट गमावल्या. संघाची पहिली विकेट दुसऱ्याच षटकात यशस्वी जैस्वालच्या रूपाने पडली, जो 06 धावा करून जेसन बेहरेनडॉर्फचा बळी ठरला. यानंतर तिसऱ्या षटकात इशान किशन खाते न उघडता बाद झाला.
यानंतर ऋतुराज गायकवाड आणि कर्णधार सूर्यकुमार यादव यांनी तिसऱ्या विकेटसाठी 47 चेंडूत 57 धावांची भागीदारी केली, जी 11व्या षटकात सूर्याच्या विकेटने संपली. चांगल्या खेळीकडे वाटचाल करणारा सूर्यकुमार यादव 29 चेंडूंत 5 चौकार आणि 2 षटकारांच्या मदतीने 39 धावा काढून बाद झाला. त्याला हार्डीने विकेटकीपरच्या झेलद्वारे बाद केले. त्यानंतर ऋतुराज गायकवाड आणि टिळक वर्मा यांनी चौथ्या विकेटसाठी 59 चेंडूत 141* धावांची नाबाद भागीदारी केली.
