लोणी काळभोर, ता. 20 : लोणी काळभोर परिसरात रंगलेल्या फाल्कन प्रिमिअर लीग क्रिकेट Cricket स्पर्धेचा अंतिम सामना अत्यंत रोमांचक वातावरणात पार पडला. शेवटच्या चेंडूपर्यंत रंगलेल्या या सामन्यात जबरदस्त कामगिरी करत फाल्कन ब्लास्टर क्रिकेट संघाने विजेतेपदावर आपले नाव कोरले आणि मानाचा किताब पटकावला. Cricket
संपूर्ण स्पर्धेदरम्यान फाल्कन ब्लास्टर संघाने सातत्यपूर्ण, आक्रमक आणि शिस्तबद्ध खेळ करत प्रतिस्पर्धी संघांवर वर्चस्व राखले. फलंदाज आणि गोलंदाज या दोन्ही विभागात उत्कृष्ट कामगिरी करत संघाने प्रत्येक सामन्यात आपली छाप पाडली. विशेषतः गोलंदाजांच्या अचूक माऱ्यामुळे प्रतिस्पर्धी संघांना मोठी धावसंख्या उभारता आली नाही. Cricket
कदमवाकवस्ती (ता. हवेली) येथील रिव्हर व्ह्यू सिटी येथे रविवारी (ता. 19) ही स्पर्धा मोठ्या उत्साहात पार पडली. एकूण 12 संघांनी सहभाग घेतलेल्या या स्पर्धेने परिसरातील क्रीडाप्रेमींना मोठा थरार अनुभवायला मिळाला. अंतिम सामन्यात फाल्कन ब्लास्टर आणि फाल्कन ॲव्हेंजर्स यांच्यात चुरशीची लढत झाली. Cricket
या निर्णायक सामन्यात फाल्कन ब्लास्टर संघाने 5 षटकांत 15 धावांची लढाऊ मजल मारली. त्यानंतर गोलंदाजांनी भेदक मारा करत फाल्कन ॲव्हेंजर्स संघाला अक्षरशः गारद केले. ॲव्हेंजर्सचा संपूर्ण संघ केवळ 3 धावांवर सर्वबाद झाला. परिणामी, फाल्कन ब्लास्टर संघाने 12 धावांनी दणदणीत विजय मिळवत स्पर्धेचे विजेतेपद पटकावले. या स्पर्धेत फाल्कन डोमिनेटर्स संघाला तृतीय क्रमांकावर समाधान मानावे लागले. अंतिम सामन्यातील थरार, खेळाडूंची जिद्द आणि प्रेक्षकांचा उत्साह यामुळे संपूर्ण स्पर्धा अविस्मरणीय ठरली.
विजेत्या फाल्कन ब्लास्टर संघातील खेळाडू पुढीलप्रमाणे :
अनिकेत गवळी (कर्णधार), सौरभ देवडेकर, प्रशांत कळसकर (महाराष्ट्र पोलीस), प्रशांत जुंदळे, दीपक धायगुडे, शशांक बनकर, किरण डोंगरे, सूर्यकांत यादव, अमर पाटील, संदीप शेलार व मोहित माथुर.
