पुणे, ता. 20 : धाडस, जिद्द आणि अदम्य शौर्याची पराकाष्ठा करत जगातील सातव्या क्रमांकाचे उंच आणि अत्यंत कठीण मानले जाणारे Dhaulagiri mountain : धौलागिरी पर्वत (8,167मीटर) हे शिखर शिवाजी लक्ष्मण ननवरे यांनी यशस्वीरीत्या सर करून महाराष्ट्र पोलीस दलासाठी अभिमानास्पद इतिहास रचला आहे. नागपूर शहर पोलीस गुन्हे शाखेतील सामाजिक सुरक्षा विभागात सहाय्यक पोलीस निरीक्षक म्हणून कार्यरत असलेल्या ननवरे यांनी आपल्या धाडसी मोहिमेद्वारे केवळ शिखर सर केले नाही, तर ‘अशक्य’ वाटणाऱ्या मर्यादांनाही छेद दिला आहे. Dhaulagiri mountain
ही कामगिरी विशेष ठरण्याचे कारण म्हणजे महाराष्ट्र पोलीस दलातून धौलागिरी शिखर सर करणारे ते पहिले अधिकारी ठरले आहेत. त्यामुळे त्यांच्या या यशाने संपूर्ण पोलीस दलाच्या शिरपेचात मानाचा तुरा रोवला गेला असून, राज्यभरातून त्यांच्या पराक्रमाचे कौतुक होत आहे. Dhaulagiri mountain
धौलागिरी शिखर हे गिर्यारोहकांसाठी अत्यंत कठीण आणि धोकादायक समजले जाते. तीव्र थंडी, प्राणवायूची कमतरता, अचानक येणारी बर्फाची वादळे, खडतर चढ-उतार आणि खोल हिमफटी (क्रेव्हासेस) यांचा सामना करत शिखर गाठणे म्हणजे मृत्यूशी दोन हात करण्यासारखे असते. अशा परिस्थितीतही ननवरे यांनी शिस्तबद्ध नियोजन, तांत्रिक कौशल्य आणि मानसिक बळ यांच्या जोरावर ही मोहीम यशस्वी केली.
दरम्यान, धौलागिरीपूर्वीही ननवरे यांनी जगातील अनेक कठीण आणि उंच शिखरांवर यशस्वी मोहिमा पूर्ण केल्या आहेत. त्यामध्ये माउंट एव्हरेस्ट (8,848.86 मीटर), माउंट लोहत्से (8,516 मीटर), माउंट मकालू (8,485 मीटर) आणि माउंट मनास्लू (8,163 मीटर) या शिखरांचा समावेश आहे. या सलग यशामुळे त्यांचे नाव देशातील अग्रगण्य गिर्यारोहकांमध्ये घेतले जाते. Dhaulagiri mountain
पोलीस दलातील जबाबदाऱ्या पार पाडताना गिर्यारोहणासारख्या अत्यंत कठीण क्षेत्रात एवढी मोठी कामगिरी करणे ही दुर्मीळ बाब आहे. दिवस-रात्र कर्तव्य बजावत असतानाच त्यांनी आपल्या आवडीला आणि ध्येयाला न्याय दिला. त्यांच्या या कामगिरीमुळे पोलीस दलातील जवानांमध्ये नवचैतन्य निर्माण झाले असून, युवकांसाठी ते प्रेरणास्थान ठरले आहेत. Dhaulagiri mountain
‘जिद्द असेल तर शिखर दूर नाही’
शिवाजी ननवरे यांची ही कामगिरी केवळ वैयक्तिक यश नाही, तर संपूर्ण महाराष्ट्रासाठी अभिमानाचा क्षण आहे. “जिद्द, मेहनत आणि धैर्य असेल तर कोणतेही शिखर गाठता येते,” हा संदेश त्यांनी आपल्या कृतीतून दिला आहे. त्यांच्या या पराक्रमामुळे महाराष्ट्राचा तिरंगा हिमालयाच्या उंच शिखरावर अभिमानाने फडकला असून, भविष्यात आणखी मोठ्या मोहिमांसाठी ते सज्ज असल्याचे संकेत मिळत आहेत. Dhaulagiri mountain
