Cricket News मुंबई : आशियाई क्रीडा स्पर्धेसाठी भारतीय महिला क्रिकेट संघाची घोषणा करण्यात आली आहे. हरमनप्रीत कौरच्या नेतृत्वाखाली टीम इंडिया प्रथमच एशियाडमध्ये आपले आव्हान सादर करणार आहे. (Cricket News) स्मृती मानधना उपकर्णधार असेल. (Cricket News) महिला क्रिकेटचे सामने 19 ते 28 सप्टेंबर दरम्यान चीनमधील हांगझोऊ येथे होणार आहेत. (Cricket News)
बीसीसीआयने नुकतेच आशियाई क्रीडा स्पर्धेसाठी पुरुष आणि महिला दोन्ही संघ पाठवण्याची घोषणा केली. याआधी गेल्या वर्षी राष्ट्रकुल क्रीडा स्पर्धेत महिला संघाने हजेरी लावली होती. आशियाई क्रीडा स्पर्धेत तिसऱ्यांदा क्रिकेट स्पर्धेचे आयोजन करण्यात येणार आहे.
2010 आणि 2014 च्या गेम्समध्ये एक क्रिकेट इव्हेंट देखील आयोजित करण्यात आला होता, जिथे बीसीसीआयने पुरुष किंवा महिला संघ पाठवला नाही. 2010 च्या गेम्समध्ये बांगलादेश आणि पाकिस्तानने अनुक्रमे पुरुष आणि महिला गटात सुवर्णपदक जिंकले. 2014 मध्ये श्रीलंकेने पुरुष गटात आणि पाकिस्तानने महिला ब गटात सुवर्णपदक जिंकले होते.
गेल्या वर्षीच 10 ते 25 सप्टेंबर या कालावधीत 19व्या आशियाई क्रीडा स्पर्धा होणार होत्या. मात्र, चीनमध्ये कोरोना विषाणूचा प्रादुर्भाव वाढल्यानंतर हे खेळ पुढे ढकलण्यात आले होते. एकूणच आशियाई क्रीडा स्पर्धा चीनमध्ये तिसऱ्यांदा होणार आहेत. बीजिंगने 1990 मध्ये आशियाई क्रीडा स्पर्धांचे आयोजन केले होते.
महिला संघाची घोषणा
आशियाई क्रीडा स्पर्धेतील महिला क्रिकेट स्पर्धेसाठीही टीम इंडियाची घोषणा करण्यात आली. महिला संघाचे कर्णधारपद हरमनप्रीत कौरच्या हाती असेल. सर्व प्रमुख खेळाडूंना संघात स्थान मिळाले आहे. आशियाई क्रीडा स्पर्धेतील पुरुषांच्या स्पर्धा 28 सप्टेंबरपासून, तर महिलांच्या स्पर्धा 19 सप्टेंबरपासून सुरू होणार आहेत. दोन्ही क्रिकेट स्पर्धा टी 20 फॉरमॅटमध्ये आयोजित केल्या जातील.
महिला संघ
हरमनप्रीत कौर (कर्णधार), स्मृती मानधना (उपकर्णधार), शफाली वर्मा, जेमिमा रॉड्रिग्स. दीप्ती शर्मा, ऋचा घोष (यष्टीरक्षक), अमनजोत कौर, देविका वैद्य, अंजली सरवानी, तीतस साधू, राजेश्वरी गायकवाड, मिन्नू मनी, कानू मणी, उमा छेत्री (यष्टीरक्षक), अनुषा बरेडी. स्टैंडबाय खेळाडू हरलीन देओल, काशवी गौतम, स्नेह राणा, सायका इशाक, पूजा वस्त्राकर
