लहू चव्हाण
Body Building Champion |पाचगणी : पांचगणी स्पोर्ट सोशल फाउंडेशन, पांचगणी बॉडी बिल्डिंग फेडरेशन, महाबळेश्वर तालुका बॉडी बिल्डिंग फेडरेशन (Body Building), सातारा जिल्हा बॉडी बिल्डिंग फेडरेशन यांच्या संयुक्त विद्यमाने भरविण्यात आलेल्या पाचगणी श्री २०२३ बॉडी बिल्डिंग चॅम्पियन शिप”चा भूषण कोल्हापूरचा अजिंक्य रेडेकर ठरला. तर बेस्ट पोझसाठी रनजित चौगुले, कोल्हापूर तर मोस्ट मस्कुलारमध्ये अर्षद मेयेकरी,सांगली यांना गौरविण्यात आले.
एकूण ४१ स्पर्धकांनी घेतला भाग….
सातारा जिल्हा शरीरसौष्ठव संघटना, पश्चिम महाराष्ट्र शरीरसौष्ठव संघटना यांच्या मान्यतेने पाचगणी येथील कै. भाऊसाहेब भिलारे स्टेडियमवर भरविण्यात आलेल्या या स्पर्धेत सातारा, सोलापूर, कोल्हापूर व सांगली येथील एकूण ४१ स्पर्धकांनी भाग घेतला होता. या स्पर्धेत विजेत्या स्पर्धकांना पाचगणीत विविध क्षेत्रातील मान्यवरांच्या हस्ते सन्मानित करण्यात आले.
यावेळी पाचगणी वडंर वूड रिसोर्टचे मालक लियाकत शेख, भारती विद्यापीठ गाॅड्स व्हॅली हायस्कूलचे प्रिन्सिपॉल कुमारराव रेपाका, माजी नगरसेवक पृथ्वीराज कासुर्डे, विशाल यादव, जितेंद्र गाढवे, राजेंद्र मोरे, विशाल परिहार, सिता डेल रिसोर्टचे मालक आदित्य गोळे आदी मान्यवर उपस्थित होते.
दरम्यान, या स्पर्धेत पंच म्हणून सातारा येथील राजेंद्र हेंद्रे, नितीन माने, अश्विनी बगाडे, चंदू पवार, मुरली वत्स कोल्हापूर येथील संदीप यादव, दीपक माने, दीपक खाडे, सोलापूर येथील विशाल गायकवाड तर सांगली येथील विवेक संकपाळ यांनी काम पाहिले.
या स्पर्धेत मुंबई सी एम् श्री निलेश दगडे, मैन फिजिक चॅम्पियन देवराज निकम, गौरव यादव, फय्याज शेख यांची उपस्थिती मुख्य आकर्षण असल्याने तरुणाईची उपस्थिती मोठ्या प्रमाणात जाणवली.
स्पर्धेच्या यशस्वीतेसाठी आयोजक आरिफभाई शेख,महेंद्र सावंत (लालू सावंत), महाबळेश्वर तालुका बॉडी बिल्डिंग असोसिएशनचे अध्यक्ष विठ्ठलशेठ गोळे, महाराष्ट्र बाॅडीबिल्डिंगचे उपाध्यक्ष राजेंद्र हेन्रें यांनी परिश्रम घेतले.
अधिक बातम्या वाचण्यासाठी येथे क्लिक करा…!
Pachgani News | पाचगणी येथे शरीर सौष्ठव स्पर्धेचे आयोजन
पाचगणी नगरपरिषदेचा ६५ कोटींचा अर्थसंकल्प प्रशासकीय सभेत मंजूर
पाचगणी येथील भारती विद्यापीठ गॉड्स व्हॅली इंटरनॅशनल स्कूलमध्ये विज्ञान दिन साजरा
