पुणे : बाणेर-पाषाण रस्त्यावर लिफ्ट देणे एका तरुणाला महागात पडले. भामट्याने त्याची मोटारसायकलच पळवून नेली. यासंदर्भात तांत्रिक तपासाच्या साहाय्याने पोलिसांनी तपास सुरु केला आहे. याप्रकरणी सचिन प्रकाश खेडेकर (वय ३०, रा. सोमेश्वरवाडी, पाषाण) यांनी चतुःशृंगी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, सचिन खेडेकर हे २१ जुलै २०२४ ला रोजी रात्री साडेदहा वाजता सोमेश्वरवाडी येथून बाणेरकडे मोटारसायकलवरून जात होते. त्यांनी एका तरुणाला लिफ्ट दिली. या रस्त्यावर ग्रीन पार्क हॉटेलच्या पानाच्या टपरीजवळ खेडेकर यांनी मोटारसायकल उभी केली. चावी गाडीलाच होती. लिफ्ट दिलेला तरुण गाडीजवळच थांबला होता. खेडेकर पान खाण्यासाठी टपरीवर गेले. ही संधी साधून या भामट्याने त्यांची मोटारसायकल पळवून नेली.
